Bru sawidun Ni 10.7.2017 (Thawhtanni) khan Chief Minister Lal Thanhawla chu a chenna in ah Ministry of Home Affairs-a Adviser North East (Bru) M. K. Singla chuan a hmu a, Tripura Refugee Camp a awm Bru chungchang a sawipui a, heng Camp-a awm te Mizoram an rawn kir leh theih nan theih tawp chhuaha hma lak mek a nih thu sawiin tun thlenga Mizoram sawrkar, a bik takin Home Department hma lakna te chu tha leh fakawm a tih thu a sawi. Man Central Land Custom leh Custom Preventive Force Champhai tangkawp chuan Thawhtanni chawhnu khan Melbuk-ah Myanmar atanga phur luh rangkachak Kg 20 an man a, a kengtu Lalpekhlua (19) s/o C. Lallawmzuala  Zokhawthar chu Champhai district jail ah dahluh nghal a ni. Sawrkar tla Chakma Autonomous District Council a CEM nilai Kali Kumar Tongchangya chuan thlawptu a neih tam leh tam loh ni 10.7.2017 (Thawhtanni) khan fiah a ni a, MDC 20 ah amah thlawptu 3 chiah a neiin a sawrkar hi a tla. Lirthei hlan Ni 10.7.2017 (Thawhtanni) khan Chief Minister’s Conference Hall-ah HDFC Bank bultum Mobile Blood Donation Van chu Health Minister Lal Thanzara hnenah hlan a ni a, he Van hi Model Blood Bank, Civil Hospital-a hman tura pek a ni. Mobile Blood Donation Van hi cheng nuai 28 chuang man a niin a sak dan hi duanchawp a ni a, Mizoram-a thisen pekna leh vawnthatna awm kawp lirthei hmasa ber a ni a. Khum pahnih awmin, thisen vawnthatna (Blood refrigerator) unit 120 vel leng a awm a, Dual AC, Mini fridge, LED TV, PA system a keng bawk. Workshop Ni 11.7.2017 (Thawhlehni) khan Information & Public Relations department buatsaihin ‘Media te leh an mawhphurhna te’ tih thupui hmangin I&PR Auditorium-ah Journalist Workshop an nei. Sawipui New Delhi-a cham mek Mizoram Legislative Assembly-a Subject Committee-I Member-te chuan ni 11.7.2017 (Thawhlehni) khan Ministry of Home Affairs Border Management Secretary leh official dangte hmuin Mizoram, Bangladesh leh Myanmar ramri chungchanga harsatna sutkian dan tur leh thil pawimawh tak takte an sawipui. Sum pe Khampat Bungpui humhalhna atan ni 11.7.2017 (Thawhlehni) khan Central YMA chuan India pawisa Rs. 1,00,000.00 (Kyat nuai 20) chu Tahan Mizo Welfare hruaitute hnenah an hlan. Thukhawm Ni 11.7.2017 (Thawhlehni) khan Chief Minister Lal Thanhawla hovin Mizoram State Health Care Society (MSHCS) chu Governing Board Meeting vawi 15-na chu Chief Minister Office ah an thukhawm. Chawimawi Kumin 2017 University exam a department 22-a topper-te chawimawina chu Mizo Students’ Union (MSU) buatsaihin ni 11.7.2017 (Thawhlehni) khan Lal Thanhawla Auditorium-ah neih a ni a, Chief Minister Lal Thanhawla chuan khuallian niin Lalrinmawia Ralte, MLA chu khualzahawm a ni. Hawng Revenue Minister R. Romawia chuan ni 11.7.2017 (Thawhlehni) khan Settlement Office, Land Revenue & Settlement Aizawl District Office Building thar New Capital Complex ami chu a hawng. CM kawm Ni 12.7.2017 (Nilaini) khan Chief Minister Lal Thanhawla chu a Office ah Sardar Vallabhai Patel National Police Academy-a training mek mi 16 leh an Faculty Co-ordinator ten an hmu Phochhuak Ria Food & Medicinal Processing Tanhril Vengthar chuan ni 12.7.2017 (Nilaini) chhun khan Aizawl Press Club-ah thuthar thehdarhtu te kawmin ramhmul atanga a siam chhuah damdawi an ni. Chawimawi Mizo National Youth Front hruaitute chuan ni 12.7.2017 (Nilaini) khan Mizoram humhalh nana an thawh that avangin Vairengte Auto Rickshaw Association hnenah chawimawina an hlan. Hawng Bonsai Association of Mizoram (BAM) buatsaih Bonsai Fair 2017 chu ni 12.7.2017 (Nilaini) khan Assembly Annexe Basement -1  ah Lal Riliani, President, Indian Society on Tobacco and Health Mizoram Chapter in a hawng.