FIR thehlut Hmar Students' Association (HSA), Aizawl chuan July 15, Pathianni zan khan Bawngkawn Police Station-ah Hmar hnam hmusit leh deusawh zawnga social media-a post siamtua an puhte lakah FIR an thehlut. Tlawh Ambassador of India to Afghanistan Vinay Kumar chuan Thawhtanni khan ni li châm turin Aizawl a rawn tlawh a, nimin chawhma khan GAD secretary Ashish Kundra, Planning secretary Dr C Vanlalramsanga leh Commerce & Industries director J Hmingthanmawia te nen CS conference hall-ah an inkâwm. Ramri endik Mizoram leh Assam ramri zir chiang tura Mizoram sorkarin a din, Core Committee hnuaia Task Team chuan Thawhtanni khan ramri endik hna thawh hnihna an ?an. Fai inelna UDPA minister Zodintluanga chuan Thawhtanni khan a pisaah 'Mizoram khawpui fai inelna 2018’ a hawng. Khawpui fai inelnaah hian Mizorama census town 23-te an tel dawn a ni. GSA-MI India rama district hnufual, a bik taka dâwm kân ngai, Aspiration District-a puan zingah Mamit district a tel a; Aspirational district-te tana duan Gram Swaraj Abhiyan - Mission Indradhanush chu Thawhtanni khan Mamit DC Bhupesh Chaudhary-a'n Mamit District Hospital OPD building-ah a hawng. MiMER-ah CM Chief minister Lal Thanhawla chuan Thawhlehni tlai khan sawi lâwk loin Mizoram Institute of Medical Education & Research (MIMER) a tlawh a, MIMER hotute a kawm bakah, MIMER behchhan damdawi-in State Referral Hospital a fang kual. Operation Mizoram Mizorama pawl thar, Operation Mizoram (OM) leh Wake Up Mizoram hruaitute chuan Thawhlehni khan Aizawl Press Club-ah thuthar thehdarhtute kâwmin, an din chhan leh hmalakna turte an puang a; kumina Assembly inthlanpuiah a tul a nih chuan candidate an siam ve tur thu an sawi. Guv hoin CADC Chakma Autonomous District Council (CADC) meeting chu Thawhlehni khan Raj Bhavan-ah neih a ni a, Governor Kummanam Rajasekharan leh chief minister Lal Thanhawla ten an telpui. Demna thuchhuah MZP general headquarters chuan Thawhlehni khan thuchhuah siamin, hnam inpumkhatna tichhe thei zawnga insawichhiatna a awm leh thin chu pawi an tih thu an tarlang a; tun hnaia social media-a Hmar hnamte tana hriat nuam lo thu thehdarh a ni chu an dem thu an sawi. Guv hoin MADC Mara Autonomous District Council (MADC) meeting chu Nilaini khan Governor Kummanam Rajasekharan hoin Raj Bhavan-ah neih a ni a, thil pawimawh hrang hrang an sawiho. Zan sikul Bungtlang South, Lawngtlai district-a sorkar hnathawk inzawmkhawm, Govt. Employee Association chuan puitling ziak leh chhiar thiam lote tan 'Zan Sikul' an din a, tunkar tìr khan hawn a ni. Tibuaitua puh man July 17, Thawhlehni zan dar 9 hma deuh khan Khatla East-a Salvation Army corps biakina corps band hla zir lai tibuaitu nia puh, B.Thangtinliana leh a fate chu man niin, Nilaini tlai khan jail-ah dah luh an ni. Rate dik Hachhek Constituency Maxicab Welfare Association (HCMWA) -in State Transport Authority (STA) rate siam aia sanga maxicab chuan man an lak avangin Mamit district transport officer (DTO) H Lalhmingliana'n HCMWA chu hriattirna a pe a; STA rate anga tlan turin tunkar khan a hriattir. YMA leh contractor Central YMA chuan Zirtawpni khan Mizoram sorkar hnuaia kawng siamtu company/contractor-te an ko khawm a; CYMA president Vanlalruata chuan, ‘Engti kawng pawhin Mizoram kawngte ?ha taka siam tur a ni' tih chu CYMA ngaihdan a nih thu a sawi. ODF-ah Serchhip Serchhip district chu páwn lama inthiar awm lohna, open defecation free (ODF)-ah puan a ni a, PHE department chuan Serchhip DC Sangchhin Chinzah hnenah Zirtawpni khan ODF certificate an hlan. Certificate inhlannaah hian Swachh Bharat Mission (Gramin) hnuaia Serchhip district-a hmalakna leh hmachhawpte an sawiho nghal. WV leh DCPU World Vision India leh Lawngtlai District Child Protection Unit (DCPU) chuan Zirtawpni khan Central YLA Hall, Lawngtlaiah naupang khuaikhem (child sexual abuse) a bo theihna atana beihpui thlak tur hawnna an buatsaih a, minister of state C Ngunlianchunga'n a hmanpui. Kawthalo beihna Health minister Lal Thanzara chuan Thawtanni khan Dawrpui School Conference Hall-ah kawthalo vanga naupang thihna ûm bona tura beihpui thlakna, Intensified Diarrhoea Control Forthnight (IDCF) 2018 a hawng. IDCF hi district dangah pawh a hawnna hun hman a ni a; kumina thupui chu ‘Kawthalo vanga naupang thihna i ûm bo ang u’ tih a ni.