Faina sawi Aizawl District Sanitation Implemen­tation Committee chu Thawh?anni khan Aizawl bawrhsap Dr A Muthamma hoin DC conference hall-ah an ?hukhawm a, faina lama hmalak dan tur an sawiho. POCSO Month Siaha District Child Protection Unit bultumin Thawhtanni khan Siaha DRDA conference hall-ah ‘Protection of Children from Sexual Offences (POCSO) Month’ hawnna inkhawm buatsaih a ni a, Siaha bawrhsap Harleen Kaur-i'n a hmanpui. SA Founders Day Salvation Army chuan Thawhtanni khan Salvation Army dintu, William Booth-a pian champha, a kum 153 tlinna, Founders Day khawvel pumah an lawm a, Mizoramah pawh India Eastern Territory chhunga corps leh so­ciety-te'n kawng hrang hrangin an lawm. July chhung nghak Mizoram Government Aided School Association (MIGASA) hruaitute chuan, Mizoram sorkarin ?anpuina a pek sikul, lumpsum grant-in-aid school-te chu dinhmun ?ha zawk, adhoc grant-in-aid dinhmuna hlankai turin Mizoram sorkar an phût a. July 2018 chhunga thu lawmawm an dawn loh chuan sikul khar thlenga hmalak an tum thu Thawhtanni khan an puang. DTO ngen Mizoram Tipper Association (MTA) chuan, Mizorama hnam dang tipper, dan loa Mizoram sorkara register-te chu a rang thei ang bera titawp (cancel) tur leh, state páwn mite tipper chu register tawh lo turin District Transport Officer (DTO)-te an phût tih Thawhlehni khan an sawi. Hawng Mizoram Univer­sity (MZU)-a Incuba­tion Centre din thar chu Thawhlehni khan Governor Kummanam Rajasekharan-a'n a hawng. Centre hi Directorate of Science and Technology, Government of India a?anga sum hmuh cheng vbc. 10.45 sênga din a ni. Bru Union Home minister Rajnath Singh chuan July 3, Thawhlehni tlai khan chief minister Lal Thanhawla leh Tripura chief minister Biplab Kumar Deb te chu New Delhi-a a pisaah koin, Mizoram Bru, Tripura-a relief camp-a cheng mekte Mizorama lâk lêt dan tur a sawipuiin Bru-te chu September 30, 2018 ral hma ngeia Mizorama hruai kîr tura ruahman a ni. Kharsak All Mizoram Cement & Iron Rod Dealers Association (AMCIRDA) chuan cement company pahnih - Dalmia leh Star Cement company-te kudam, Aizawla mi chu cement man tihsan vangin July 3, Thawhlehni zan khan an khârsak. An hmalakna hi thláwp turin mipui an ngen nghal. Gas man Food, Civil Supplies & Consumer Affairs chuan thuchhuah siamin, July 1, 2018-a Indian Oil Corporation-in eirawng­bawlna gas man a bithliah thar angin Mizoramah gas man bithliah thar a nih thu a tarlang a. Gas man tharah chuan, Vairengte tih loh khaw danga gas distributor-ah domestic gas cylinder pakhat man Rs. 831 leh commercial cylinder man 1,596 a ni a, subsidy tur chu Rs. 398.69 a ni. Kawng hawng PWD minister Lal Thanzara chuan Nilaini khan Thingdawl High School complex-ah PWD National Highway Division-V a hawng. Minister chuan, NH Division office thar hawn theiha a awm chu lawmawm a tih thu sawiin, Thingdawl mipui tan malsawmna thlentu a nih a beisei thu a sawi. Union Minister Social Justice and Empowerment Ministry changtu minister of state Krishan Pal Gurjar chu Nilaini khan Aizawlah a lo thleng a. Mizoram sorkara Social Welfare secretary K Vanlalrawni leh director Laldikkimi ten a thlenna Raj Bhavan-ah an kâwm. Disability Studies Rualbanlote harsatna hrang hrang zirchianna hmun, Centre for Disability Studies chu Ningani khan Mizoram University (MZU)-ah Union minister of state for Social Justice & Empowerment Krishanpal Gurjar leh chief minister Lal Thanhawla ten an hawng. He centre hi India rama a hmasa ber a ni. Zu zirna pharh State Prohibition Council (SPC) chu Ningani khan Excise & Narcotics minister R Lalzirliana hoin Aijal Club-ah an ?hu­khawm a; sorkar dan anga zu zawrhin khawtlang a nghawng dan zir chiangtu Study Group of MLPC Act, 2014 report pharh a ni. MHIP Day Zirtawpni kha Mizo Hmeichhe Insuihkhawm Pawl (MHIP) Day vawi 44-na a ni a, Mizoram hmun hrang hrangah kawng hrang hranga lawm a ni. Seminar Mizoram Synod chuan Zirtawpni khan Aizawla hmun pathumah 'Kohhran in­pumkhatna chungchang seminar' an buatsaih a, Aizawl district-a kohhran hruaitu thahnem tak an tel.