Hlan Ni 1.7.2017 (Inrinni) kalta khan RG Stadium, Mualpui ah Mizo football thiam leh India football thiam ten exhibition match an khel a, 2-2 in an inhnehtawk. Inkhelh zawh hian Football Players Association of India (FPAI) leh Mizoram Football Association (MFA) te chuan tunhnai ruahsur a chhiatna tawkte tanpuina’n Chief Minister’s Relief Fund-ah cheng nuai 2 an hlan. Man Ni 2.7.2017 (Pathianni) zing dar 8 vel khan 10th Assam Riffles leh Champhai Police tangkawp te chuan Farkawn bul ah AK 56 riffles 5, cheng nuai 25 man hu an man. 10th Assam Riffles leh Champhai Police ten AK 56 Riffles 5 an man. Buhfai tha Ni 3.7.2017 (Thawhtanni) khan Rajya Sabha MP Ronald Sapa Tlau, Chairman, State Consultative Committee (FCI) ni bawk chuan Aijal Club ah Press mite a kawm a, buhfai ah Mizoram dinhmun a tha thawkhat a, Mizoram kudam a buhfai awm thei zat 44 % a awm mek niin a sawi. CM hmu Ni 3.7.2017 (Thawhtanni) khan MZP chuan Chief Minister Lal Thanhawla chu a office-ah hmuin Mizoram-ah Labour Court din dan tur te, Mizoram sorkar enkawl college-a skill development programme dah chungchang te, Mizoram sorkar hnuaia hnalak reng reng-ah Middle standard ngai thin ah criteria felfai tak siam chungchang te leh IASE hnuaia Asst. Professor hnalak dan diklo chungchang te an thlen. Hawng Ni 3.7.2017 (Thawhtanni) khan cheng nuai 192.18 senga sak Schedule Tribe Girls Hostel, Serkawn, Lunglei ami chu Social Welfare Department Minister PC Lalthanliana chuan a hawng a ni. Ngen Mizoram CSS Hindi Teachers’ Association chuan naupang ten pangngai taka Hindi an zir leh vat theih nan Appointment Order tihchhuah sak thuai turin sawrkar an ngen tih ni 3.7.2017 (Thawhtanni) khan Press mite an hrilh. Kawm Ni 4.7.2017 (Thawhlehni) khan Mizoram Governor Lt. Gen. Nirbhay Sharma chuan National Institute of Technology (NIT) Mizoram Director thar Prof Rajat Gupta chu Raj Bhavan-ah a kawm a, thil pawimawh hrang hrang an sawidun. Enfiah SIPMIU in Ch. Saprawnga truck terminal a bawlhlawh tawihthei leh tawih thei lo phur tu tur motor 54 AMC hnena a pek tur chu ni 4.7.2017 (Thawhlehni) khan AMC Councillor leh SIPMIU hotuten an enfiah. Hostel hawng Ni 4.7.2017 (Thawhlehni) khan Social Welfare Department changtu Parliamentary Secretary K.Lalrinthanga chuan MDTC (Multi Discipline Training Centre) KVI Complex Zemabawk-ah ST Girls Hostel Building sak thar a hawng. Zirchiang Tlabung bul Kawrpuichhuaha India leh Bangladesh inkalpawhna lei dawhna hmun tur chu Nilaini (5.7.2017) khan ram pahnih aiawh mi pawimawhten an zirchiang. Meeting Ni 5.7.2017 (Nilaini) khan Governor Lt. Gen. Nirbhay Sharma, President Mizoram Rajya Sainik Board (MRSB) kaihhruaiin Raj Bhawan Darbar hall-ah sipai bangte leh an chhungte chhawmdawl leh hamthatna an nei theih nana din Mizoram Rajya Sainik Board meeting neih a ni. MZU in ngen Mizoram University Teachers’ Association (MIZUTA) chuan ni 5.7.2017 (Nilaini) khan Aizawl Press Clubah thuthar thehdarhtute an kawm a, MZU Vice Chancellor ruat thuai turin an phut tih an sawi. Lawmman hlan Ni 5.7.2017 (Nilaini) khan Synod Conference Centre-ah Anganwadi Workers hna thawk tha mi panga thlanchhuahte hnenah State Level Best Anganwadi Workers Award 2016-2017 hlan a ni a, Social Welfare Minister PC Lalthanliana chu khuallian a ni. Guv. in la Mizoram Governor chuan Chakma Autonomous District Council (CADC) thuneihna zawng zawng a kutah lain, chawlhkar khat chhunga sawrkar a chak tawk leh chak tawk loh finfiah turin CADC Chairman a hriattir. MHIP day July ni 6, 2017 (Ningani) kha Mizo Hmeichhe Insuihkhawm Pawl (MHIP) dinchampha vawi 43-na a ni a, Mizoram hmun hrang hrangah lawmin hun hman a ni. &&&&&