GMD hun Ni 5.6.2017 (Thawhtanni) a Chief Minister hova State Level Committee on Green Mizoram thukhawm chuan June ni 9 hian Chite lui kam tawn, Ramthar leh Thuampui panna bulah Green Mizoram Day hman turin an rel. Kumin Green Mizoram Day thupui atan ‘Thing phun la, tuihna siam rawh’ tih chu thlan a ni. CS in hawng Pachhunga University College 'Nauban Huan' chu ni 5.6.2017 (Thawhtanni) khan Chief Secretary Lalmalsawma, IAS chuan a hawng. Nuar India rampum huap Doctor pawl lian ber Indian Medical Association (IMA) chuan sawrkar laipuia an thil ngiat thin te tihhlawhtlin a nih loh avangin ni 6.6.2017 (Thawhlehni) khan an lungawilohna lantirin an nuar. NH dang Kolasib JAC chuan ni 6.6.2017 (Thawhlehni) zing atang khan Kolasib District Hospital atanga Dr.Zothansanga Zadeng sawn chhuah duh lovin National Highway an dang. Thukhawm Mizoram Sawrkar in Remna Thuthlung (Memorandum of Settlement) ennawnna atana tunhnaia a din thar Peace Accord Review Committee chu Chief Minister Lal Thanhawla, Committee Chairman ni bawk kaihhruaina hnuaiah ni 6.6.2017 (Thawhlehni) khan CM Cabinet Room ah an thukhawm. Gas man Central YMA hnuaia kum puan duty te chuan Thawhlehni tlai dar 5 bawr vel khan an report dawn bawhzuiin Aizawl New Market ah Gas a man to-a a ruka hralh tur bur 13 an man. Zin May 28, 2017 zana Guwahati a Mizo tlangval pahnih C.Lalhmangaihsanga s/o C. Chawnghranga leh R. Lalmalsawma s/o PC Lalthanzami te tualthih chungchang chhui hna bawhzui turin Joint NGO aiawhte chu ni 7.6.2017 (Nilaini) khan Guwahati ah an kal a, CYMA President Lalbiakzuala chuan a ho a ni. NEDP sawiho Ni 7.6.2017 (Nilaini) khan Finance Minister Lalsawta hovin Mizoram University Conference Hall-ah New Economic Development Policy sawihona neih a ni. Health Camp Assam Rifles chuan Mizoram mipui ten hriselna tha zawk an neih theihnan ni 21.6.2017 hian AR Ground-ah Healthy Mizoram Campaign neih an tum tih ni 7.6.2017 (Nilaini) khan Press mite kawmin an sawi. HM in hawng North East Rural Livelihood Project bultuma thlai thar dahthatna tura sak Collection Center pahnih, Rulchawm leh Ruallung khua ami chu ni 7.6.2017 (Nilaini) khan RD Minister R.Lalzirliana’n BNRGSK Hall, Rulchawm-ah a hawng. Hawng Raj Bhavan building hlui, humhalh reng tawh tura chei that ‘Heritage Building’ tia vuah chu ni 8.6.2017 (Ningani) chawhma dar 11 khan Governor Lt. Gen.Nirbhay Sharma (rtd) leh Chief Minister Lal Thanhawla te’n an hawng. Cabinet Ni 8.6.2017 (Ningani) chhun dar 12:30 khan CS Conference Hall, New Secretariat ah Cabinet Meeting neih niin agenda pawimawh an sawi ho.