Khawmpui tiak Mizorama Kohhran Thalai Inkhawmpui lian ber Kristian Thalai Pawl (KTP) General Conference vawi 57-na, March ni 1, 2018 atanga West Phaileng Field-a nghah chu ni 4.3.2018 (Pathianni) zan khan a tiak. Report tarlan danin KTP-ah hiam member 147665 an awm mek. Thehlut Mizoram sawrkarin zu chungchang zirchiang tura a din Study Group chuan ni 5.3.2018 (Thawhtanni) khan an report Excise Minister R.Lalzirliana hnenah an thehlut. Lungphum Ni 5.3.2018 (Thawhtanni) khan Chaltlang Tourist Lodge-ah Chaltlang leh Durtlang inkal pawhna tura ruahman ropeway lungphum chu Tourism Minister John Rotluangliana’n a phum. Zoram Ni Ni 5.3.2018 (Thawhtanni) khan MZP Gen.Hqrs. bultumin Lal Thanhawla Auditorium-ah India sawrkarin sipai chakna leh Jet Fighter hmanga Aizawl khawpui leh Mizoram hmun hrang hrang Bomb hmanga a beih champhaphak hriatrengna Zoram Ni hman a ni. NLUP kutpui Ni 6.3.2018 (Thawhlehni) khan Assembly Annexe Buiding Conference Hall-ah Chief Minister Lal Thanhawla chuan ni 4 awh tur NLUP Kutpui chu a hawng. Sak tum Mizo Zirlai Pawl (MZP) chuan Thawhlehni khan Aizawl Press Club ah chanchinbumite kawmin March ni 8,2018 (Ningani) hian Bairabi Zophai ah Zofate Chawlhbuk sak that leh an tum tih an sawi. Thukhawm Ni 6.3.2018 (Thawhlehni) khan Chief Minister Pu Lal Thanhawla kaihhruaina hnuaiah sawrkar thu pawimawh relin Council of Ministers chu Chief Secretary's Conference Room-ah an thu khawm a, Department 19 atanga rawtna leh dilna lut 30 ngaihtuah ho a ni. Hawng Cheng nuai 900 senga thlai inthlahpunna tur hmun Indo-Israel Centre of Excellence for Fruits Haulawng leh Mualthuam ‘N’ inkara mi chu ni 7.3.2018 (Nilaini) khan Chief Minister Lal Thanhawla leh Israel Ambassador to India Daniel Carmon ten an hawng. Inbia Mizoram sawrkar aiawh leh Hmar People Convention (Democrat) aiawh te Political Levela a vawikhatna ni 7.3.2018 (Nilaini) khan State Guest House, Chaltlang Lily vengah neih a ni. He inbiakna ah hian Mizoram sorkar aiawhte hi Political Adviser to Chief Minister Lalrinmawia Ralte MLA chuan hovin HPC(D) aiawh te hi Working President LT Hmar in a ho a ni. Library thar Art & Culture Minister R.Romawia chuan Nilaini (7.3.2018) khan State Central Library Extension Building, New Secretariat Complex ah a hawng. Hmanpui Mizoram Government Pharmacist’ Association chuan ni 7.3.2018 (Nilaini) khan Tourist Lodge, Chaltlang-ah General Conference vawi 12-na an hmang a, Health Minister Lal Thanzara’n a hmanpui. Innawr Bairabi Zophai a Zofate chawlhbuk sak tum MZP member te leh Assam Police te chu ni 8.3.2018 (Ningani) khan an innawr buai a, Assam Police kuttuar engemawzat an awm a a, MZP leh Assam Police tam tawk Chawlhbuk sak tumna hmunah hian an inkulh mek. Hmeichhe Ni MHIP Gen.Hqrs. huaihawtin ni 8.3.2018 (Ningani) khan Lal Thanhawla Auditorium, Aizawl ah Hmeichhiate Ni (International Women's Day) hman a ni a, Lal Riliani chu khualli9an a ni. Kumin Hmeichhiate Ni ah hian thupui atan 'Hmasawnna kawng zawh tura beihpui thlak,’ tih hman a ni. Inbe zo Mizoram sawrkar leh Hmar People Convention (Democratic) aiawhte political levela inbiakna chu Ningani khan tluang taka zawh a ni a, inremna tluangtling an nei thei dawn nia thudawn a ni. Chokhlei kut Mizorama a vawi khat nan Chokhlei Kut (Rhododendron Festival) 2018 chu ni 8.3.2018 (Ningani) khan Mizoram Larsap Lt Gen. (Retd) Nirbhay Sharma chuan Lawngtlai District chhunga Sentetfiang khuaah a hawng. MJA in dem MZP leh Assam Police te innawrbuaina a Press mite kutthlak an ni chu MJA chuan an dem thu thuchhuah siamin an tarlang.