Hawng National Book Trust, India, Mizoram University leh Mizoram sawrkara Education Department te tangkawpa buatsaih ‘Aizawl Book Fair-cum-Literary Festival’ chu ni 6.3.2017 (Thawntanni) khan Mizoram Larsap Lt Gen Nirbhay Sharma chuan Govt Mizo High School Field, McDonald Hill, Zarkawt, Aizawl-ah a hawng. Sawm ZNP President Lalduhoma chuan ni 6.3.2017 (Thawntanni) khan Aizawl Press Club ah chanchinbumite a kawm a, Congress leh MNF paihthla tur chuan intelkhawm a ngai tih sawiin mipui te chu a hranga kal lova thawkho turin a sawm. SR Vala thi SR Vala (85) IAS (rtd) Mission veng chu ni ni 6.3.2017 (Thawntan) zan dar 11 khan Pneumonia vangin an chenna inah a boral a, ni 7.3.2017 (Thawhlehni) chhun dar 12 ah vui a ni. SR Vala hi MPSC Chairman hmasa ber a ni a, a fapa Lalduhthlana (IFS, 1983), tuna Mizoram State Information Commissioner nen hian Mizo zingah pa fa-a Central Service a lut hmasa an ni bawk. Zirho Ni 6.3.2017 (Thawntanni) khan Ministry of Labour & Employment hnuaia awm, Employees's State Insurance Corporation chuan I&PR Auditorium ah ESI Scheme hnuaia hamthatna leh hlawkna awmte zirhona a buatsaih a, hamthatna dawng tura hnathawktute leh anmahni chhawrtute ESI Scheme a inziahluh dan inkawhhmuh nghal a ni. Sawrkar ngen Ni 7.3.2017 (Thawhlehni) khan All India Organisation of Chemist & Druggist North East Zone chuan Aijal club ah khawmpui an nei a, damdawi ruih theih leh hman khawloh thehdarh a zuar thin damdawi dawr te chu sawrkarin dim lo se an an duh thu an sawi. Hawng Health & Family Welfare Minister Lal Thanzara chuan ni 7.3.2017 (Thawhlehni) khan Lunglei District Hospital-ah National Health Mission hnuaia ruahman Geriatric Ward leh Audiometry Unit te chu a hawng. Tlangzarh Chief Minister hlui Zoramthanga lehkhabu ziah ‘Mizo Hnam Movement History (A History of Mizo Nationalism Movement) ni 7.3.2017 (Thawhlehni) khan Vanapa Hall-ah Prof. Lalthantluanga Vice Chancellor MZU kalchhuak ta chuan a tlangzarh. BOC Meet Aizawl Municipal Corporation Board of Council meeting ni hnih awh tur chu ni 8.3.2017 (Nilaini) chawhma dar 11 khan AMC Office, BOC Meeting hall-ah neih a a, Property tax za a 80 (80%) chu hmasawnna hnathawh nan hman nise an ti. Hlan Mizoram Presbyterian Kohhran Hmeichhe Inkhawmpui Lian vawi 47-na, Leisekawt Field, Serchhipa neih tur pandal chu ni  7.3.2017 (Thawhlehni) zan khan Synod Moderator Rev. Lalzuithanga’n Pathian hnenah  a hlan. Award lawm Ni 8.3.2017 (Nilaini) khan Chanmari YMA Hall-ah  Directorate of Accounts & Treasuries in hna an thawh that vanga chawimawina lawmman (Award) an dawn lawmna Finance Minister Lalsawta  hovin  hman a ni a, Mizoram-ah National  Pension  System  zawmtu mi 5262 an awm tawh tih tarlan a ni. Hawng Higher & Technical Education Minister Pu R.Romawia chuan ni 8.3.2017 (Nilaini) khan Govt. Hrangbana College ah Mizoram Legal Services Authority leh Legal Cell, Govt Hrangbana College te tangkawp buatsaih Legal Aid Clinic a hawng. Hmeichhe Ni Ni 8.3.2017 (Nilaini) kha khawvel puma hmeichhiate ni 'International Womens Day' a ni a, Mizoram hmun hrang hrangah he ni hi hman a ni. MUP khawmpui Ni 8.3.2017 (Nilaini) khan Saikuti Hall Lunglei ah Mizo Upa Pawl Hqrs. Lunglei Assembly vawi 43 na hman a ni a, Health & Family Welfare Minister Lal Thanzara chu khuallian a ni.