Kawngzawh Ni 12.3.2018 (Thawhtanni) khan MZP huaihawtin Mizoram hmun hrang hrangah ram humhalh kawngzawh a ni a, mipui tel an thahnem hle. Aizawlah chuan MZP Gen. Hqrs. huaihawtin Sikulpuikawn leh Chanmari atanga kawng zawh tanin Vanapa Hall kawtah an intawk khawm. Meeting Ni 12.3.2018 (Thawhtanni) khan MJA te chuan Aizawl Press Club-ah general body meeting an nei a, Zophai-a Assam Police leh Mizo Zirlai Pawl in-ep chanchin ngaihven a kal Mizo chanchinbumi zinga 7 ten Assam Police kut an tawrh chungchang an sawiho. CM in dem Chief Minister Lal Thanhawla chuan ni 12.3.2018 (Thawhtanni) khan Union Home Minister Rajnath Singh hnenah lehkha thawnin Mizoram leh Assam in rina, Bairabi-a March ni 10, 2018 a Assam Police-ten Mizo thalaite laka silai an hmetpuak chu pawi a tih thu leh na taka a dem thu a thlen. Dincham Ni 12.3.2018 (Thawhtanni) kha Peace Accord MNF Returnee’s Association (PAMRA) din cham vawi 16-na ani a, PAMRA Gen. Hqrs. Office-ah hun hman a ni. Tuarpui Information and Public Relations Minister Lal Thanzara chuan Mizoram Journalists Association (MJA) President hnenah Thawhtanni khan lehkha thawnin tunhnaia Bairabi Zophai-a MZP hmalakna leh Zofate Chawlhbuk sak tumna news cover tura journalist kalten, Assam Police kut an tuar chu pawi a tih thu leh thinlung taka a tawrhpui thu a hrilh. Thukhawm Ni 12.3.2018 (Thawhtanni) khan Health and Family Welfare Minister Lal Thanzara hovin Mizoram State Health Care Society (MSHCS) chuan Governing Board Meeting vawi 16-na neiin Chief Minister’s Office Conference Hall-ah an thukhawm. Sawn Mizo Zirlai Pawl (MZP) chuan Nilaini (14.3.2018) a Bairabi Zophai a Zofate Chawlhbuk sak an tum chu mi hrang hrangte ngenna avangin sak hun tur an sawn hrih. Lungawilo Bairabi Zophai hmuna Mizo Zirlai Pawl leh Assam Police-te innawr buaina laia a hmuna thuthar lakhawm tura kal ve Mizoram journalist-te kut thlak tel ve a nih chungchangah Assam Police-te chetdan duh loh leh lungawilohna lantirin ni 13.3.2018 (Thawhlehni) chhun dar 12:00 khan Mizoram Journalists' Association chuan district tinah sit-in demonstration an nei. Chhang Bairabi buaina chungchanga Chief Minister Lal Thanhawla'n Central Sawrkar hnena lehkha a thawn chu Union Home Minister Rajnath Singh chuan Thawhlehni khan a rawn chhang. Session Ni 13.3.2018 (Thawhlehni) khan Assembly session tan a ni a, session tan ni hian Larsap in house ah thu a sawi. Hawng Ni 14.3.2018 (Nilaini) khan AMC Mayor PC Lalhmingthanga chuan Ramhlun Sports Complex field ah 15th Senior Federation cup National Tug of War Championship a hawng. Thlen Ni 14.3.2018 (Nilaini) khan RS MP Ronald Sapa Tlau chuan Union Minister Rajnath Singh hnenah Assam Police-ten rawva taka mizo zirlaite leh journalist-te chunga an chetlak dan a thlen. Pharh Finance Minister Lalsawta chuan ni 15.3.2018 (Ningani) khan kum 2018-2019 atana Mizoram budget ruahmanna cheng vaibelchhe 9672.65 chu Mizoram Legislative Assembly-ah a pharh. Thlirlet Ni 15.3.2018 (Ningani) khan Mizoram State AIDS Control Society (MSACS) hnuaia HIV positive-te enkawlna lama thawktu ART Centre staff ten kumina an hnathawh dan thlirletna hun an hmang. Sawipui Chief Minister Lal Thanhawla chuan Ningani khan Cabinet Meeting Room-ah ramri chungchanga Mizoram Chief Secretary leh Assam Chief Secretary inbiakna huna tel tur Mizoram aiawhte chu thu pawimawh a sawipui. Thukhawm Ni 15.3.2018 (Ningani) khan MIFCO Board of Directors meeting Vawi 84-na chu MIFCO Chairman P.C. Zoram Sangliana, MLA hovin Commerce & Industry Conference Hall-ah an neih a ni.