CM in hawng Ni 26.3.2018 (Thawhtanni) khan Chief Minister Lal Thanhawla chuan Mualpui, Salem Vengah Commerce zirna atan bika Special Plan Assistance(SPA) sum nuai 300 senga sak, Commerce Block, Government Aizawl College a hawng. CS thlah Ni 26.3.2018 (Thawhtanni) khan Chief Secretary Conference Hall-ah Federation of Mizoram Govt. Employees & Workers (FMGE&W) chuan Chief Secretary Lalmalsawma, IAS thlahna hun an hmang. Seminar Department of Mass Communication, MZU buatsaihin nihnih awh National Seminar, “Media & Women Empowerment: Policy, Praxis and Promotion” chu Thawhtanni khan Academic & Seminar Complex Conference Hall, Mizoram University ah neih a ni. AR tour 46 Assam Rifles chuan February ni 19 - 25 khan Mizo Zirlai Pawl member 30 tan Motivational Tour 2018 a buatsaih a, he tour-ah hian Silchar, Shillong leh Guwahati te an tlawh. Mizo thalaite’n an thenawm state-te an hriatchian nan leh an tlangnel nan he tour hi buatsaih a ni. Hawng State Agricultural Management & Extension Training Institute (SAMETI), Mizoram leh Sericulture Department te tangkawpin an buatsaih “Skill Development Training on Sericulturist” chu Sericulture Training Institute, Zemabawk-ah Thawhtanni khan Vanlalawmpuii Chawngthu, Minister of State, Sericulture Department chuan a hawng. OB Meeting Ni 26.3.2018 (Thawhtanni) khan MPC Gen.Hqrs Sr. Vice President Vanlalhlana kaihhruaina in an Party Office-ah OB Meeting neih a ni a, 2018-a MLA General Election lo awm tur an thlirho. Crime meeting Thawhlehni kalta khan DIG (Northern Range & Southern Range) huam chhunga District SP, SP Traffic te leh Commandant 2nd MAP te chuan DIG Joseph Lalchhuana IPS hovin Annual Crime Review Meeting, Aizawl SP Conference Hall-ah an nei a. Kum 2016 leh 2017 January atanga December leh, kum 2017 leh 2018 January thla chhunga Crime dinhmunte thlira zirho a ni. Building thar Ni 27.2.2018 (Thawhlehni) khan Chief Minister Lal Thanhawla chuan Rs. nuai 951.29 senga sak Government Champhai College Building 7 chu a hawng. Press kawm Ni 27.2.2018 (Thawhlehni) khan MNF Gen. Hqrs. Vigilance & Legal Dept. hotute chuan Aizawl press Club-ah thuthar thehdarhtute kawmin Congress kahhruai Mizoram sorkar chuan General Provident Fund chu dan dik lovin a kalpui mek niin an sawi. Chawlhbuk sa Thawhlehni khan MZP General Headquarters bultumin Bairabi Zophai-ah Zofate Chawlhbuk sak a ni a, zanah JCB hmanga thiah leh vek a ni. Chapchar kut Ni hnih awh tur Chapchar Kut lawmna chu ni 1.3.2018 (Ningani) khan Lammualah tan a ni. Pisa luah Mizoram Chief Secretary atana ruat thar Arvind Ray chuan ni 1.3.2018 (Ningani) khan a pisa a luah. Hmalak tum Mizoram Youth Commission chairman Joseph Lalhimpuia chuan ni 28.2.2018 (Nilaini) khan a pisa ah Press mite a kawm a, thalaite tana MYC hmalak tumna hrang hrang a sawi. Science day Ni 28.2.2018 (Nilaini) khan hmun dang rualin Mizoramah National Science Day hman a ni a, Aizawlah chuan Assembly Annexe conference hall-ah State Planning Board vice chairman H Liansailova hoa hun hman a ni. Chapckar kut run Chapchar kut lawmna chi khat atan ni 1.3.2018 (Ningani) zing khan Aizawl khawpui chhunga YMA branch ten Chanmari leh Sikulpuikawn atangin Lammual an pan khawm a, Fisheries Minister Vanlalawmpui Chawngthu chuan a hmanpui. Meeting nei (Ningani) khan PRISM Party chuan Central Committee meeting neiin Nomination Committee member mi 5 an thlang chhuak a, 10th April 2018 (Tuesday) hian MLA candidate tur puan thawhkhatna neih nise an ti bawk a ni.