Mistiri rate Mizoram Mistiri Association (MMA) chuan ni 7.5.2018 (Thawhtanni) khan Aizawl Press Club-ah thuthar thehdarhtute an kâwm a; kumina International Labour Day, May 1 atangin mistiri hlawh chu ni khatah Rs. 800 a nih thu an puang. Inzirtir Mizoram sawrkara secretary leh department hotu (head of department)-te pualin ni 7.5.2018 (Thawhtanni) khan Assembly Annexe conference hall-ah ‘Solar Power Policy of Mizoram & Grid Connected Solar Rooftop Systems' tih thupui hmangin awareness seminar neih a ni a, Power & Electricity minister R Lalzirliana'n a hmanpui. Hmanpui Thawhtanni khan Zemabawkah Chief Minister Lal Thanhawla chuan Border Roads Organisation din champha vawi 58 lawmna a hmanpui. CM candidate Zoram People Movement (ZPM) chuan ni 8.5.2018 (Thawhlehni) chhun dar 12:30 khan Chief Minister atana an candidate ah Lalduhoma an puang. Sem Sports & Youth Services Minister Zodintluanga chuan ni 8.5.2018 (Thawhlehni) khan Lal Thanhawla Auditorium-ah Mizoram infiammi, ram pawn leh ram chhunga medal la te hnenah incentive cash award sumfai a sem. Sawipui Ni 8.5.2018 (Thawhlehni) khan Mizoram Legislative Assembly hnuaia Committee peng pakhat, Subject Committee-I chuan Chief Minister Lal Thanhawla chu CM Cabinet Meeting Room-ah hmuin, Mizorama ruihhlo tawlh leh hman an sawipui. Larsap kawm Mizoram Judicial Service trainee-te chuan ni 8.5.2018 (Thawhlehni) khan Mizoram Governor Lt. Gen. Nirbhay Sharma chu Raj Bhavan-ah hmuin inkawmna an nei. Tlangzarh Ni 9.5.2018 (Nilaini) khan Assembly Annexe Conference Hall-ah PHED Minister Zodintluanga chuan mobile app thar ‘PHE Smart Water’ tih a tlangzarh nghal. Hawng Chief Minister Lal Thanhawla chuan ni 9.5.2018 (Nilaini) Mat Lui chhehvela leilet leh huan chawmtu tur, Mat Minor Irrigation Project chu Mat Lui kam a Irrigation & Water Resources Department Site Camp-ah khuallian niin a hawng. Tlawh Finance Minister Lalsawta leh PWD Minister Lal Thanzara te chuan ni 9.5.2018 (Nilaini) khan Tuithiang leh Saron veng inrina lai a lei tawlh thin an tlawh. Chawimawi Ningani khan Lal Thanhawla Auditorium-ah MZP buatsaihin High School Leaving Certificate examination result 2018 a top ten a Mizo tlingte chawimawina hun hman a ni a, School Education Minister H.Rohluna'n a hmanpui.