Tlahlum Ni 7.5.2017 (Pathianni) chawhnu khan Reiek kai, Tlawng luiah Tuikual South tleirawl 2 F. Lalchhandama (18) s/o F Lalmalsawma leh  C. Lalremkima (16) s/o C. Lalngaihawma te chu an tla a, an ruang hi mi tlawmngaiten tui tlate hi an zawng nghal a, an tlakna atanga metre 200 velah hmuh an ni. Cong. chak Ni 8.5.2017 (Thawhtanni) khan Mara Autonomous District Council vote tlate chu chhiar a niin Congress Party chuan MDC Seat 25 ah Seat 17 lain hneh takin sawrkarna an la a, CEM thar atan N. Zakhai, Amobyuh (Maubawk) bial thlan nghal a ni. Sawipui Ni 8.5.2017 (Thawhtanni) khan Chief Minister Lal Thanhawla chuan Union Minister of State (Independent Charge) for Power, Coal, New and Renewable Energy and Mines Piyush Goyal chu a pisa ah hmuin Mizoram kawlphetha dinhmun chungchangte, kawlphetha tihchangtlunna kawnga Mizoram mamawhte leh nizung hmanga kawlphetha siam na tur bun chungchangte a sawipui. Chawimawi Ni 8.5.2017 (Thawhtanni) khan Mizoram Journalist Association, Serchhip District chuan I&PR Conference Hall Serchhip-ah tun hnaia Mizoram Board of School Education HSLC result, 2017 chhuaka Mizorama 1-na dinhmun hauhtu Laldintluanga chawimawina hun an hmang. Hawng Ni 9.5.2017 (Thawhlehni) khan Sports & Youth Services Minister Zodintluanga chuan Mizorama climbing wall hmasa ber LDSC Ground-II, Lungleia Outdoor Artificial Climbing Wall siam thar chu a hawng. Thukhawm Ni 9.5.2017 (Thawhlehni) khan Mizoram State Law Commission member-te chu an Chairman John Siamkunga, MLA hovin a office chamber, New Secretariat Complex ah an thukhawm a. Mizoramin Assembly a neih 1972 atanga dan siam hrang hrangte enfel a ni a. Dan eng emaw zat chu a changtu Department te hnenah nuai bo (repeal) turin rawtna a siam a. Dan 24 chu siam that ngai a awm avangin a changtu Department hrang hrangah hma la nghal tura hriattir nise tiin an rel. Inkawm Ni 9.5.2017 (Thawhlehni) khan Chief Minister Lal Thanhawla chu cricket enkawla India a thuneitu sangber Board of Control for Cricket in India hotute nen an inkawm a, Mizorama cricket hmasawnna tur chungchang leh Cricket Association of Mizoram (CAM) in BCCI a zawm theih dan tur chung changte an sawiho. Hmanpui Govt.Kawrtethawveng Middle School-I chuan ni 9.5.2017 (Thawhlehni) khan an kum 60 tlin, Diamond Jubilee an lawm a, School Education Minister H.Rohluna leh bialtu MLA Lalrinmawia Ralte ten an hmanpui. Result chhuak Mizoram Board of School Education (MBSE) chuan ni 11.5.2017 (Ningani) khan kum 2017 HSSLC Result chu a ti chhuak a, kumin hian chawhrualin zirlai 74.86% in an pass a ni. Thukhawm Mizo Hmeichhe Insuihkhawm Pawl General Headquarters chuan term thar atana hruaitu thlan tharna an neih hnuah chu ni 11.5.2017 (Ningani) khan MHIP Headquarter Office ah a hmasa ber atan thutkhawmna an nei a ni. %%%%%%