HPC(D) Army Chief thi Hmar Peoples Convention (Democrat)-a army chief Lalropuia Famhoite (50) chu May 21, Thawh?anni zan dar 11 vel khan Mothers Care, Imphal, Manipur-ah a thi a, a thih chhan hi thisen sang (hypertension) nia thu dawn a ni. Bi-diversity Day Thawhlehni, May 22 kha International Day for Biological Diversity a ni a, he ni pual hian chief minister Lal Thanhawla hoin Art & Culture Auditorium, Berawtlangah hun hman niin, principal chief conservator of forest (PCCF) Lal Ramthanga'n a kaihruai. Sik leh sa Environment, Forest & Climate Change (EFCC), Lunglei Division chuan Thawhlehni khan Lunglei DC conference hall-ah NEDP hnuaia hmalakna 'Capacity Building and Training on Climate Change' an buatsaih a, Lunglei Dc Dr Ankita Chakravarty-i'n a hawng. MoU ziak Central YMA leh Upper Chindwin Youth Network (UCYN), Kalamyo, Sagaing, Myanmar-te chuan nimin khan Central YMA pisaah ruihhlo do kawnga thawhdunna tur thuthlung, memorandum of understanding (MoU) an ziak. MHFW-in MIMER pawm State Referral Hospital behchhan, Mizoram Institute of Medical Education & Reseach (MIMER) chu Medical Council of India (MCI)-in a pawm hnuah sorkar laipuia Ministry of Health & Family Welfare (MHFW) pawhin a pawmpui a, May 22, Thawhlehni khan medical college din phalna, Letter of Permission a tichhuak. MYC Youth Summit leh Road Show Mizoram Youth Commission (MYC) chuan Nilaini khan Lungleiah Youth Summit & Road Show 2018 an buatsaih a, Chief Minister Lal Thanhawla'n a hawng. Youth Summit & Road Show 2018 hi Aizawlah ?an niin, district khawpui hrang hrangah buatsaih a ni a, Lungleia an buatsaih hi a hnuhnung ber niin May 24, Ningani khan khâr a ni a. Youth Summit & Road Show chu zawh fel a ni ta a ni. Buarpuiah Zira Power & Electricity minister R Lalzirliana chu Nilaini khan Buarpui Information Centre-ah Buarpui khawtlang hruaitute nen an inkâwm a; Buarpui khawtlangin an mamawhte an lo hrilh. VP?lo zin Vice President M Venkaiah Naidu chuan Ningani khan Mizoram a rawn tlawh dawn a, Mizoram University-a hun a hman zawhah Mizoram a chhuahsan leh nghal. VP hian Mizoram University (MZU)-ah Academic & Seminar Complex a hawn bakah, Boys & Girls Hostel sak tur lungphùm a phúm a ni. CJ?en fiah Mizoram State Commission for Protection of Child Rights (MSCPCR) chuan, Ningani khan Central Jail-a nuin an fa an tànpuite dinhmun an enfiah. 33KV Sub-station hawng Buarpui khuaa 33KV sub-station thar chu May 24, Ningani khan Power & Electricity minister R Lalzirliana'n a hawng. Ruhro la chhuak Ex-Mizo National Army Asso­ciation-in rambuai lama hnam sipai thi zinga mi pathumte ruhro an lak chu nimin khan MNF party pisa, Mizo Hnam Rûnah thlen a ni a, sûnna hun hman a ni. PM-RSSM zirho Ningani khan Tourist Lodge, Chaltlangah sor­kar laipui scheme thar, Prime Minister Rashtriya Swasthya Suraksa Mi­ssion (PM-RSSM) zirho­na, Orientation & Work­shop buatsaih a ni a, Health secretary Lalrinliana Fanai-in a hmanpui. CIP-in office tlawh tum Champhai Thalai Pawl (CTP) hruaitute chu Ningani khan Kahrawt YMA Hall-ah an ?hukhawm a, hun remchang hmasa beraa Champhai khawchhunga office hrang hrangte tlawh kuala an harsatna te zawh pah a, thawhpuiah sawm an rel. Court-ah Hawla Kum 2013-a Assembly inthlan dawna nomination paper theh­luhnaa affidavit dik lo thehluta puh a nih chungchangah chief minister Lal Thanhawla chu Zirtawpni khan Serchhip Chief Judicial Magistrate (CJM) hmaah a inlan. Court chuan Lal Thanhawla puh a nihna pakhat a hnâwl a, pakhat dang erawh chu ngaihtuah zui zel atan a pawm.