Raltlan lut Ni 20.5.2017 (Inrinni) khan Myanmar a Ralie khua atangin nunau mi 200 chuang te chu Mizoram ah an lo lut a, Lungpuk leh Khaikhy khua ah te khawsain heng mite hi Myanmar sipai leh hel inkah hlauh vanga lo raltlante an ni. Meet tiak Ni 19.5.2017 atanga ni 21.5.2017 inkar chhunga ram pum huap Pavalai Pawl Meet vawi 3-na Ramhlun North biakin a neih chu Pathianni zan (21.5.2015) khan a tiak. Diversity day Ni 22.5.2017 (Thawhtanni) kha International Biological Diversity Day a ni a, Mizoram State Diversity Board leh Environment, Forests & Climate Change Department te tangkawp buatsaihin Assembly Conference Hall ah hman a ni a, Deputy Speaker R. Lalrinawma'n a hmanpui. Library day Ni 22.5.2017 (Thawhtanni) khan State Central Library Reading Hall, New Secretariat Complex-ah Art & Culture Department buatsaihin Public Library Day vawi 3-na an hmang. ODF sawiho Ni 22.5.2017 (Thawhtanni) khan State Level Verification Team chu PHE Department Secretary office chamber ah an thukhawm a, pawna inthiar awm lohna Open Defecation Free (ODF) a Kolasib District puan a nih theih nana a hmuna endik dan tur an sawiho. Tlangzarh Ni 23.5.2017 (Thawhlehni) khan PHE Minister Zodintluanga chuan Internet kaltlanga tui bill pek theihna tur Online Bill Payment chu hman theih a nih tawh thu a tlangzarh. Lirthei chesual Ni 22.5.2017 (Thawhtan) zan dar 6 :30 vel khan Kawnpui dai, Kawnpui leh Sairang inkar Darnam rama ramhnuai kawngah Railway hnathawk Nayak Infrastructure Private Ltd. a mi 8 chuanna Tractor chu kawng chho a an tlan chu a hma a kangin a chesual a, a hmunah 3 boral in thi zinga pakhat chu Lalruatsanga s/o Tlanmawia, Dapchhuaha ni a, midang 2 hi railway hnathawk vai an ni. An ruang hi Kawnpui PHC ah postmorteman an nih hnuah an khuaah vui tura lak an ni. IES Ni 23.5.2017 (Thawhlehni) khan School Education Minister H. Rohluna’n MBSE Conference Hall, Chaltlang-ah Integrated Evaluation Scheme for Higher Secondary Stage a tlangzarh a. He inkhawmah hian P. Lalchhuanga, IAS, Secretary, School Education Department chuan Mizo Language Committee leh MBSE tangkawp buatsaih ‘Mizo Tawng Ziah Dan’ tih lehkhabu a tlangzarh bawk. EM lalut Ni 23.5.2017 (Thawhlehni) khan MADC Forest Hall-ah MADC 11th term-a Executive Member 6 te chu rinawmna thu tiam tira lakluh an ni. Hawng Central YMA Offset press leh staff quarter chu 23.5.2017 (Thawhlehni) zing dar 7 :30 leh dar 8 khan Central YMA office bul Tuikhuahtlang-ah hawn a ni. Quarter hi MP (RS) Ronald Sapa Tlau chuan hawngin Offset Press hi CYMA Gen. Secy. Lalhmachhuana'n a hawng. Thukhawm Ni 23.5.2017 (Thawhlehni) khan Traffic Management Committee chu an Chairman Home Minister R. Lalzirliana hovin a pisa-ah an thukhawm a, AMC Control of Parking and Collection of Parking Fees an sawi ho.