Lunglei tlawh Chief Secretary Arvind Ray, IAS chuan Pathianni (29.4.2018) khan Lunglei a tlawh a, sawrkar hotu lian te a kawm. IRF sawiho Ni 30.4.2018 (Thawhtanni) khan PRISM Party Office-ah Innerline Reserved Forest chungchang sawiho a ni a, Mizoram political party zawng zawng ten innerline reserved forest hi laklet tum se an duh thu kalkhawm ten an sawi. Chawlhbuk MZP executive meeting ni 1.5.2018 (Thawhlehni) a neih chuan Zophai hmunah Zofate chawlh-buk sak hnatlang chu hun remchang hmasa berah koh leh nise tiin a rel. Tlangzarh Ni 1.5.2018 (Thawhlehni) khan Chief Minister Lal Thanhawla chuan CM's Banquet Hall-ah "World No Tobacco Month" chu hawngin, hemi rual hian vaihhlo tellohna infiamna khawvel Mizorama siam tura hmalakna, "Tobacco Free Sports Campaign" chu a tlangzarh nghal. Thukhawm Ni 1.5.2018 (Thawhlehni) khan Chief Secretary's Conference Room, New Secretariat ah State Level Committee for Standardization, Quality Control and Quality Systems chu an chairman Chief Secretary Arvind Ray, IAS hovin an thukhawm. Hawng Lok Sabha MP C.L.Ruala chuan ni 1.5.2018 (Thawhlehni) khan Lengpui Venglai Community Hall ah Saansad Adarsh Gram Yojana Phase III a hawng. Thlen Chakma Autonomous District Council a MNF MDC 8-te chuan ni 1.5.2018 (Thawhlehni) khan District Council Secretary Rodney L.Ralte hmuin CADC-ah sawrkarna siamtir turin an ngen. Hun ruat Ni 2.5.2018 (Nilaini) khan ZPM (Tangrual Pawl) chuan an Office Treasury Square ah Steering Committee Meeting an nei a, Chief Ministerial Candidate puan ni atan May ni 8, 2018 (Thawhlehni) an ruat a, a hmun atan Chanmari YMA Hall nise an ti. Thukhawm Ni 2.5.2018 (Nilaini) khan Mizoram State Biodiversity Board chu an Chairman, Chief Minister Lal Thanhawla hovin CM Cabinet Meeting Room-ah International Day for Biodiversity 2018 hman dan tur leh Mizoram Biodiversity humhalh kawnga thil pawimawhte ngaihtuahin an thukhawm. Comtt. Home Minister R. Lalzirliana kaihruaina hnuaiah ni 2.5.2018 (Nilaini) khan Coordination Committee on Traffic Management chu Chief Secretary’s Conference Hall-ah neih a ni. Report tarlan danin tun dinhmuna Mizoram puma lirthei awm zat chu 209,338 a ni. Workshop Kissan Kalyan Karyashala (Workshop on Farmers’ Welfare) chu ni 2.5.2018 (Nilaini) khan DAO’s Conference Hall, Aizawl-ah neih a ni, Lok Sabha MP, CL Ruala chu khuallian a ni. Ruat thar Mizoram Governor chuan Zorammawia IPS(Retd) chu State Information Commissioner-ah a ruat a, thla khatah Rs. sing 8 bakah allownces dangte a la ang, hriattirna hi Ningani (3.5.2018) khan tihchhuah a ni. Result chhuak Mizoram Board of School Education (MBSE) chuan ni 3.5.2018 (Ningani) khan kum 2018 HSLC Result a ti chhuak a, pass percentage hi 76.65% a ni. Thlirlet Ni 3.5.2018 (Ningani) khan Chapchar Kut Organizing Committee chuan an Chairman Chief Minister Lal Thanhawla hovin CM Conference Hall-ah kumin Chapchar Kut hman dan an thlirlet. Enfiah Central YMA President Vanlalruata leh CEC thenkhat te chuan ni 3.5.2018 (Ningani) khan FCI Zuangtui Godown, Muanna Veng tlawhin Supply buhfai lut leh chhuak an buk dan an enfiah. Lawm BJP Mizoram Pradesh chuan ni 3.5.2018 (Ningani) khan an party office-ah Chakma Autonomus District Council a BJP kaihhruai sawrkar thar ding tur lawmna an nei a, party hruaitu ten thu an sawi. Congress Ni hnih awh tur 215th Indian Roads Congress Mid-Term Council Meeting chu ni 4.5.2018 (Zirtawp) khan MZU Campus, Tanhril ah neih tan a ni.