Hmanpui Ni 20.11.2017 (Thawhtanni) khan 64th All India Cooperative Week puala Cooperative Society member te intawhkhawmna hun chu Registrar of Cooperative Societies leh Mizoram State Cooperative Union(MSCU) te tangkawp huaihawtin Assembly Annexe Conference Hall-ah neih a ni a, Chief Minister Lal Thanhawla'n a hmanpui a ni. Hmang District Child Protection Unit, Aizawl District leh CARE World Vision India chuan ni 20.11.2017 (Thawhtanni) khan “India ram a cheng mitinte hian naupang mipat hmeichhiatna lama khuai khemna an tawh thin titawp turin mawh phurhna kan nei” tih thupui hmangin “World Day for Prevention of Child Abuse”chu High School hrang hrang a naupangte nen Chanmari YMA Hall ah hun an hmang. Hawng 7th Solo Painting Exhibition Laltanpuia leh Mizoram State Child Protection Society te tangkawpa buatsaih chu ni 20.11.2017 (Thawhtanni) khan Aizawl Art Gallery, Treasury Aizawlah Lalnithangi, Director, I&PR chuan a hawng. Sawiho Ni 20.11.2017 (Thawhtanni) khan Aijal Club-ah climate change chungchang sawiho a niin Chief Minister Lal Thanhawla,Planning Minister Lalsawta leh Home Minister R.Lalzirliana ten an hmanpui. Convocation Ni 21.11.2017 (Thawhlehni) khan Mizoram University (MZU) chuan zirlai exam a hlawhtling te hnena degree hlanna hun, MZU Twelfth Convocation chu MZU Multipurpose Hall-ah an hmang a, Chief Minister Lal Thanhawla chu khuallian a ni. Chawimawi Ni 21.11.2017 (Thawhlehni) khan MZP chuan Under-17 World Cup player leh MZP hruaitu hlui Minister of State ni ta KS Thanga te chawimawina hun Aizawl Press Club-ah an hmang. Hawng Ni 21.11.2017 (Thawhlehni) khan Millenium Centre Roof Top-ah UD&PA Minister Zodintluanga chuan ni li awh tur DAY-NULM (Deendayal Antyodaya Yojana-National Urban Livelihoods Mission) Mela a hawng. Meeting Mizoram Merchant Association (MIMA) Gen. Hqrs. bultumin ni 21.11.2017 (Thawhlehni) khan NGO's hrang hrang aiawh leh Political party aiawh te MZP Conference hall-ah an in hmukhawm a, sumdawnna kawnga hmalak dan tur an sawiho. Sawipui Commerce & Industries Minister H.Rohluna chuan ni 21.11.2017 (Thawhlehni) khan Atanu Chakraborty, Director General of Hydrocarbons chu Noida-a a office-ah hmuin, Mizoram chhimlam block-a Gas leh Oil zawngtu tur company tih fel thuai a tul thu a sawipui. Hna thawk lo Mizoram sawrkar hnuaia hnathawk te chuan ni 22.11.2017 (Nilaini) khan hlawhsang phut nawrnan pisa kai chungin hna an thawk lo. Tlangzarh Ni 22.11.2017 (Nilaini) khan Whitestone Conference Hall, Ramhlun North-ah Positive Women Network of Mizoram ten kum 10 an tlin lawmna programme an hmang a, Health Minister Lal Thanzara chu khuallian niin HIV Documentary film ‘Beiseina’ a tlangzarh. Special meeting Chite lui humhalh tura hmalakna te sawihovin ni 22.11.2017 (Nilaini) khan Chief Minister Lal Thanhawla kaihhruaiin CM Conference Room-ah Special Meeting neih a ni. Vai liam Mizoram State Rural Livelihoods Mission (MzSRLM) hnuaia scheme pakhat Aajeevika Grameen Express Yojana (AGEY) hnuaiah lirthei 18, RD Block pathum Bilkhawthlir, Serchhip leh Tipa a Self Help Group (SHG) te hman tur chu ni 22.11.2017 (Nilaini) khan semchhuah a ni a, Rural Development Minister R.Lalzirliana'n a vailiam. Zin Ni 22.11.2017 (Nilaini) khan NEDP Scheme hnuaia Journalist 10 leh I&PR Officer 2 te chuan NEDP Press Study Tour nei turin Gujarat an pan a, Dr.C.Vanlalramsanga, Secretary, Planning Department chuan a vailiam. &&&&&