Hawng Ni 29.10.2016 (Inrinni) zan khan CZ Foundation ‘Lawm Rawih Zan’ chu Health Minister Lal Thanzara chuan Lal Thanhawla Auditorium ah a hmanpui. Minister hian HIV/ AIDS vei mekte mi harsa zawkte tanpui a tuamhlawm nana lukhum leh thil dang dang te phiar chhuaka mi thahnemngaite rawngbawlna chikhat Knitting Charity a hawng nghal bawk. Lawmman sem Ni 31.10.2016 (Thawhtanni) khan Vanapa Hall ah 39th Cash Award for Proficiency in Science & Mathematics 2016 hman a ni a, School Education Minister H Rohluna chuan School hrang hrang atanga he subject bik a titha te hnenah lawman a sem. Halpuah khap Ni 31.10.2016 (Thawhtanni) a Home Minister hova mi pawimawhte thukhawm chuan kumin Krismas leh Kumthar vuakvetah halpuah leh halmawi khap nise tih an rel. Bank hawng Ni 31.10.2016 (Thawhtanni) khan Finance Minister Lalsawta chuan  Peter Street, Khatla ah Bank thar, Bandhan Bank Ltd. a hawng. LC ah MNF tling Ni 31.10.2016 (Thawhtanni) khan Dawrpui Vengthar Local Council bye election neih a niin MNF Candidate Robert Zosangliana chuan vote 739 hmuin tlingah puan a ni a, amah hnaih bertu NC Candidate Aldrin Zosangliana’n vote 644, BJP Candidate Pu T Rohmingliana’n vote 109 te an hmu a, vote thi 23 awmin vote nung 1492 a awm a ni. Unity run Ni 31.10.2016 (Thawhtanni) zing khan Rashtriya Ekta Diwas (National Unity week) denchhenin Mizoram hmun hrang hrangah School Education Department buatsaihin Unity run neih a ni. Aizawl-ah chuan zing dar 6 khan Chanmari atangin Vanapa Hall kawt thleng he unity run hi neih a ni. Training Central YMA leh Mizoram Building & Other Construction Workers Welfare Board tangkawp buatsaihin Skill Development Training (Floor Tile & Cement Mistiri Training) hmun hrang hranga buatsaih chu ni 1.11.2016 (Thawhlehni) khan hawn a ni. Hmalakna thlirlet Ni 1.11.2016 (Thawh-lehni) khan Health Minister Lal Thanzara hovin Aizawl Civil Hospital Conference Hall-ah National Health Mission hnuaia hmalakna peng pakhat, Reproductive and Child Health (RCH) hnuaia hmalakna thlirletna hun hman a ni. Enfiah tan Ni 2.11.2016 (Nilaini) atang khan Kaskau camp ah Tripura a awm mek Bru te chu Mizoram mi leh sa an nih leh nihloh enfiah hna tan a ni a,a tan ni ah hian chhungkaw 90 vel an inlan nia thudawn a ni. Bawlhhlawh ber Mizoram State Pollution Control Board in boruak bawlhhlawh dan a tehna hnuhnung berah  Dawrpui Aizawl a sang ber. CM in hawng Ni 2.11.2016 (Nilaini) khan Chief Minister Pu Lal Thanhawla’n SBI Branch thar, Digital Branch ‘sbiINTOUCH’ tia hming vuah chu Chanmari ah a hawng a, he Branch thar hi North East-a hetiang digital banking tih theihna branch pangana niin tunlai banking khawl changkang tak tak nena thuam a ni. Hmanrua hlan Ni 3.11.2016 (Ningani) khan Chief Minister Lal Thanhawla leh langa Aizawl lokal Union Cabinet Minister, Ministry of Social Justice & Empowerment Thawar Chand Ghelot te chuan rualbanlo te hnenah an nun awlsam nan leh an mahni pui thei bungrua leh khawl hlanna programme Ramhlun Indoor Stadium-a buatsaih chu an hmanpui a, mi thahnem tak hnenah khawl leh bungrua te an hlan nghal a ni. HC Judge thar Senior Advocate zinga mi Nelson Sailo chu tunhnai khan High Court Judge atan ruat thar a ni a, ti hian High Court ah Mizo Judge pathum T.Vaiphei, Michael Zothankhuma leh Nelson Sailo te an awm ta a ni. MRB hawng AH & Vety MinisterC. Ngunlianchunga chuan ni 3.11.2016 (Ningani) khan Khawlailung khuaa Mizoram Rural Bank thar, Mizoram Rural Bank Branch 81 na tur chu a hawng. Khawmpui Ni 3.11.2016 (Ningani)  khan Environment & Forest Minister Lalrinmawia Ralte chuan Art & Culture Auditorium, Berawtlang ah Mizoram Secretariat Service Association inkhawmpui lian vawi 12-na chu a hmanpui.