Workshop Ni 14.11.2016 (Thawhtanni) khan Social Welfare Minister PC Lalthanliana chuan Mizoram chhunga hmeichhiate dikna humhalhna leh inthliarna awm lova khawtlang nun tha zawk siam theih dan zirhona “Working Towards Ensuring Mizoram State Diversity Policy and Ensuring a Gender Just Society” tih thupui hmanga workshop buatsaih chu a hawng. Good Governance Mizoram People Forum chuan ni 14.11.2016 (Thawhtanni) khan ZNP Office-ah sawrkar inrelbawlna tha (good governance) chungchangah zirtirna an pe a, MPF General Secretary Rev. Dr.R.Lalbiakmawia leh Lalthlamuana Ralte ten good governance atana thil pawimawhte an sawi. Sawiho Indian pawisa currency note cheng 500 leh 1000 tih thih avanga Mizorama bank hrang hranga pawisa indaih lohna chungchang chu ni 14.11.2016 (Thawhtanni) khan Finance Minister Lalsawta hovin RBI leh Mizoram chhunga Bank awm zawng zawng te bakah Post office hotu ten Secretariat conference hall-ah meeting neiin an sawiho. Session ko Mizoram Governor Lt. Gen. (Rtd.) Nirbhay Sharma chuan Mizoram Legislative Assembly 7-na thutkhawm, vawi 11na chu December ni 6, 2016 a thukhawm turin a ko. Week lawm Ni 14.11.2016 (Thawhtanni) khan Vanapa Hall-ah All India Cooperative Week vawi 63-na lawm hun hman a ni a, Cooperation Minister Lalrinmawia Ralte chuan a hmanpui. Childrens day Ni 14.11.2016 (Thawhtanni) khan Social Welfare Minister PC Lalthanliana chuan Children’d Day puala Mizo Writers Association (MWA) in Mizo Children’s Literature Festival cum Mizo Proficiency Prize Distribution an buatsaih chu Chanmari YMA Hall-ah khuallian niin a hmanpui. e-Office hawng UD&PA Minister Zodintluanga chuan ni 15.11.2016 (Thawhlehni) khan a Office- ah Mizorama a hmasa ber UD&PA Department hman tur e-Office a hawng a, thu sawiin, "File hrim hrim paper ah kan let lovang tih kan official te ka tiam ngam a ni," a ti. Jt.Conf Ni 15.11.2016 (Thawhlehni) khan MNF Gen. Hqrs. hnuaia Frontal pathum MNSF, MNWF, MNYF te chuan Vanapa Hall ah Aizawl City Joint Conference a nei a,party President Zoramthanga chu khuallian a ni. Judge ah lalut Ni 15.11.2016 (Thawhlehni) khan  Nelson Sailo chu Gauhati High Court Judge atan lakluh a ni a, Mizo zinga High Court Judge 3-na a ni. DIG hmu Ni 15.11.2016 (Thawhlehni) khan Central YMA hruaitute chuan Assam Rifles DIG M.S. Mokha, SM chu a office-ah hmuin, Mizo thalaite sipai a an luh theih nan YMA-te nen tangkawpa Pre-Recruitment Rally neih chungchangte, YMA hruaitu ten State pawna Exposure Tour an neih tum chungchang te leh Joint Cultural Meet A.R. Ground-a ni 25.11.2016 a neih tur chungchangte an sawipui. CM in hawng Ni 16.11.2016 (Nilaini) khan Chief Minister Lal Thanhawla chuan Mizoram sawrkar hnuaia Special Planning Assistance(SPA) sum, Rs.nuai 953.28 senga sak, E-in-C Office building of Power & Electricity Department, New Secretariat Complex chu a hawng a. Kawlpetha hehlo zawka siam electric bungraw lei theihna tura duan 'Ujala & Pavan Schemes' pawh a tlangzarh nghal bawk. Press kawm BJP Mizoram Pradesh President Dr JV Hluna chuan ni 16.11.2016 (Nilaini) khan Aizawl Press Club ah thuthar thehdarhtute a kawm a, tunhnaia sawrkar laipuiin Rs. 1000 leh Rs.500 note a ti thi chu ram tana tha zawk tur a ni, a ti. Damdawiin fai Mizoram chhunga damdawi fai inelna, Kayakalp Award chu ni 16.11.2016 (Nilaini) khan Lal Thanhawla Auditorium-ah Health Minister Lal Thanzara chuan a sem a, District Hospital fai berah Champhai leh SDH/CHC ah Vairengte CHC te thlan an ni. Meeting New Economic Development Policy (NEDP) Core Committee chu Nilaini (16.11.2016) chawhnu dar 3 khan Chief Minister Lal Thanhawla kaihhruaina hnuaiah Chief Secretary Conference Hall-ah neih a ni. Police in man S.P, Aizawl hnuai-a District Special Branch (DSB) te chuan ni 17.11.2016 (Ningani) khan Methamphetamine R-7 mum 5,676, local market rate a Rs. 6,84,000/- man chu Ramnunsiami (42) D/o Vankunga, Zawngin khua ni a in chhal leh Sangkima (53) S/o R.Lalhmingliana, Rengdil khua ni a in chhal te kut atangin an man.