MP in ngen Rajya Sabha MP Pu Ronald Sapa Tlau chuan September ni 23,2017 khan Prime Minister Narendra Modi hnenah lehkha thawnin Citizenship Bill 2016 chungchangah Mizorama pawl leh kohhran hruaitute ngaihdan la ve turin a ngen. Ruihhlo man Cachar Police te chuan ni 23.9.2017 (Inrinni) zan khan Dholai Police Station huam chhungah Mizorama phurh luh tum nia hriat Pseudo-ephedrine Rs.35,67,000 hu vel an man. CM-in tlawh Ni 23.9.2017 (Inrinni) khan Chief Minister Pu Lal Thanhawla chuan Thenzawla Central Agriculture University hnuaia Rs. 440 Crore senna tur College of Horticulture and Forestry Complex sak mek leh Incredible India programme hnuaia Integrated Development of New Eco-Tourism Destination under Swadesh Darshan North East Circuit hmalaknaa 18 hole Golf Course hnathawh mek a tlawh. Office hawng Zoram People Movement tangrual pawl Office thar tuna MPC party office chhawng hnuai zawk ami chu ni 25.9.2017 (Thawhtanni) chawhma dar 11 khan Lalfakzuala'n a hawng. Hmang Ni 25.9.2017 (Thawhtanni) khan Health Minister Lal Thanzara hovin bengngawngte ni ‘World Day of the Deaf’ chu Assembly Annexe Building-ah hman a ni. Office luah Ni 25.9.2017 (Thawhtanni) khan Minister of State atana lakluh thar KS Thanga chuan New Secretariat, Khatla ah office a luah thar a, Pathian hnenah office thar tawngtai a hlan a niin Home Minister R. Lalzirliana chuan inkhawm a kaihruai a ni. Pawl thar Mizo Archaeological Society chu ni 25.9.2017 (Thawhtanni) khan UD&PA Minister Zodintluanga office ah din a ni a, he pawl hi Mizo pipute sulhnu (Archaeologicaol sites and remains) te humhalh a, zirchian leh enfiah kawnga hma la tura din a ni. Seminar Ni 25.9.2017 (Thawhtanni) khan Department of Mizo, Mizoram University, All India Tribal Literary Forum (AITLF) leh Ramnika Foundation Delhi tangkawpa buatsaih National Seminar on Mizo Prose Writings ni hnih awh tur chu Finance Minister Lalsawta’n Synod Conference Centre-ah a hawng a, seminar chhung hian Rev.Dr. Zairema, C. Rokhuma leh R. Zuala te thuziak zirho a ni. TCC hawng Indian Society on Tobacco and Health, Mizoram Chapter President Lal Riliani chuan ni 26.9.2017 (Thawhlehni) khan Falkawn Referral Hospital-ah zuk leh hmuam nghei duhte tan tur 'Tobacco Cessation Clinic' a hawng. Congress RMSA, Aizawl District leh Science Teacher Association of Mizoram (STAM) tangdun buatsaih district Level Children’s Science Congress vawi 25-na chu ni 26.9.2017 (Thawhlehni) khan MBSE Conference Hall-ah neih a ni a, thupui atan ‘Science, Technology and Innovation for Sustainable Development’ hman a ni. Hna sem Chief Minister chuan ni 27.9.2017 (Nilaini) khan Council of Minister te hna chanpual a siamtha a, MoS thar KS Thanga'n Agriculture, Irrigation and Water Resources leh Soil and Water Conservation changin Vanlalawmpuii Chawngthu in Cooperation, Sericulture leh Fisheries te a chang. Press kawm Mizoram Public Service Commission thuneitute chuan ni 27.9.2017 (Nilaini) khan Press mite kawmin MPSC kalphung an sawifiah. Thukhawm Ni 27.9.2017 (Nilaini) tlai khan Chief Minister's Cabinet Room-ah New Economic Development Policy (NEDP) Core Committee chu Chairman, Chief Minister Lal Thanhawla hova thukhawmin NEDP kaihhnawih thil pawimawh an ngaihtuah ho. Tlangzarh Ni 228.9.2017 (Ningani) khan Central Jail, Tanhril-ah Home Minister R. Lalzirliana chuan Jail chhunga Pathian thu zirna atana siam zirlaibu ‘Nun kawng dik’ chu a tlangzarh. Thukhawm Aizawl District Development & Monitoring Committee chu an Chairman Lok Sabha MP CL Ruala leh Co- Chairman Rajya Sabha MP Ronald Sapa Tlau kaihhruaina-in ni 28.9.2017 (Ningani) khan New Secretariat Conference Hall-ah an thukhawm.