Tiak Mizoram Synod hnuaia Inkhawmpui lian ber dawttu Presbytery Inkhawmpui chu ni 8.10.2017 (Pathianni zan) khan a tiak ta. Parthianni chawhma ah Upa nemngeh inkhawm neih a ni a, chawhnu-ah Lalpa Zanriah Sakramen leh Upa thite sunna inkhawm neiin zanah Presbytery Moderator kalchhuak ten Valedictory Sermon an sawi. Mizoram Synod hnuaiah hian Presbytery 53 a awm a, pastor bial 301 awmin, kohhran 2038 an awm a, kohhran mi zawng zawng hi 6,11,241 an ni. Hapta khar Ni 9.10.2017 (Thawhtanni) khan Chanmari YMA Hall-ah Aizawl Municipal Corporation in Faina Hapta a kalpui mek kharna leh faina a titha lawmman hlanna neih a ni. Hawng Kum 2018 December ral hmaa India ram puma naupang kum hnih hnuailam leh nu naupai 90% in hri danna (vaccine) an dawn kim hman theihna tur ram pum huap hmalakna, Intensified Mission Indradhanush chu ni 9.10.2017 (Thawhtanni) khan Health & Family Welfare Minister Lal Thanzara chuan Chief Minister’s Office kawtah a hawng. Tlahlum Ni 9.10.2017 (Thawhtanni) tlai khan Zemabawk Falkland venga Kristian Thalai Pawl in Youth Recreation Centre (YRC) a sakna tura hmun laih khuara tui tlingah Falkland veng mipa naupang pahnih te chu an tlahlum. Fair Hnam Chhantu Pawl buatsaih ‘Autumn Fair 2017’ chu ni 9.10.2017 (Thawhtanni) khan I&PR Minister Lal Thanzara’n Assembly Annexe Basement-ah a hawng. Thi Fiamthu thiam Roluaha (55) chu ni 10.10.2017 (Thawhlehni) chawhma dar 9:35 khan thin thalo vangin Aizawl Civil hospital ah a thi. Hmanpui Ni 10.10.2017 (Thawhlehni) khan Chief Minister Lal Thanhawla chuan Mizoram University-ah NEDP peng pakhat MEDMOC in a buatsaih Entrepreneurship Summit 2017 leh Mizoram Kailawn Business Plan Contest a buatsaih kharna hun a hmanpui. Thukhawm Ni 10.10.2017 (Thawhlehni) khan khan Aijal Club ah Higher & Technical Education Minister R.Romawia hovin Mizoram State Higher Education Council meeting neih a ni a. Rashriya Uchhatar Siksha Abhiyan (RUSA) Scheme hnuaia hmalakna te bakah Higher Education tih hmasawnna tur thil hrang hrang an rel. Mental Day Ni 10.10.2017 (Thawhlehni) khan Health & Family Welfare Department buatsaihin Chanmari YMA Hall-ah World Mental Health Day hman a ni a, Health Minister Lal Thanzara chu khuallian a ni. Congress vang MNF Gen. Hqrs. Vigilance Deptt. chuan ni 10.10.2017 (Thawhlehni) khan Press mite kawmin Mizoram kawng chhiat chhan chu Congress sawrkar inthlahdah vang liau liau niin an sawi. Hmuak Saitual District tihpuitlin thuai an duhzia lantir nan ni 9.10.2017 (Thawhtanni) khan Saitual Town-in a huam, Saitual, Keifang, Rulchawm, Ruallung leh Sihfa mipuiten Flag var nen Chief Minister Lal Thanhawla chu Keifang kawnah an lo hmuak. Campaign Ni 11.10.2017 (Nilaini) khan Kulikawn YMA Hall-ah MUDRA Promotion Campaign neih a ni a, Union Minister of State for Agriculture and Farmers Welfare Gajendra Singh Shekhawat chu khuallian niin Finance Minister Lalsawta chu khualzahawm a ni. Sem Central YMA in kumin ruahsur nasa avanga hmun hrang hranga chhiatna thleng tanpuina vehbur a khawnkhawm cheng nuai 147 chuang chu ni 11.10.2017 (Nilaini) khan Zoram hmun hrnag hrangah a dawngtu tur te hnenah sem chhuah a ni. Vailiam Tuipui khuaa Tomato chingtute thar chhuah hmasa Quintal 100 hmun dang a hralh chhuah tur chu ni 10.10.2017 (Thawhlehni) khan Tuipui khua atangin Horticulture Minister PC Lalthanliana'n a vailiam. Hawng Mizoram State Legal Services Authority (MSLSA) leh Govt Mizoram Law College tangkawp buatsaih ‘National Seminar on Victims of Trafficking & Commercial Sexual Exploitation’ chu ni 12.10.2017 (Ningani) khan Law & Judicial Minister Lalsawta’n Legal Chamber, Govt. Mizoram Law College, Aizawl-ah a hawng.