Kawngzawh Ni 15.10.2016 a BSF mi 2 ten Sairang tleirawl insu lai mawilo taka an khawsak khum duhloh entirnan Pathianni khan Sairang, Sihmmui leh Dinthar VC huama awm mipuiten Sihmui atang Lengte lei thleng kawng an zawh. BSF sipai pahnih chet dan chu an dem thu leh ban tura an phutin BSF te chu Lengte Camp ah an la awm dawn anih chuan Mizo BSF Officer pahnih tal dah an phut bawk. Su hlum 16.102016 zan dar 7 vel khan car pakhat chuan Maubuang Damdiai vengah mi 4 hnawlin an zinga 1 Zorampari (62) w/o Lalremthanga Maubuang khua chu a hmunah a boral a, hliam te hi Falkawn ah enkawl an ni. Car khalhtu F.Lalremruata chu Police ten manin thubuai an siamsak. Editor thi Ramnuam nitin chanchinbu Editor leh Kolasib District MJA President hlui K.Lalthlamuana (48) chu Pathianni chawhma dar 9:35 khan zunthlum natna avangin kolasib damdawiin ah a boral a, Thawhtanni chhun dar 12 ah vui a ni. School hun Thawhtanni atang khan Mizoram sawrkar hnuaia school tan hun chu zing dar 8 atangin dar 8:30 ah sawn a ni. Mualkhang tlawh Thawhtanni khan MNF MLA, AMC Councillors-te leh MNF Party hruaitu te chuan  Mualkhang Gas Bottling Plant a Gas harsatna a hmunah an enfiah. Thukhawm Thawhtanni khan Chief Minister Lal Thanhawla hovin Integrated Child Development Services  Scheme hnuaia State Mission Steering Group chu Chief Minister’s Office Conference Hall-ah an thukhawm. Food day Thawhtanni khan Agriculture Conference Hall-ah World Food Day 2016 hman a ni a, Agriculture Minister R Lalzirliana’n a hmanpui. CM in hmanpui Chief Minister Lal thanhawla chuan Thawhlehni khan ruihlo ngaite enkawlna atana pawl intelkhawm Federation of Indian NGOs for Drug Abuse Federation Mizoram Chapter in Chanmari YMA Hall a ruihhlo chungchang inhrilhhriatna hun Drug Abuse Prevention Awareness Programme a hmanpui. Minister leh AMC Thawhlehni khan UD&PA Minister Zodintluanga leh Aizawl Municipal Corporation (AMC) Board of Councillors te an inkawm a, khawpui tihhmasawnna tur Scheme thar Atal Mission For Rejuvation and Urban Transformation (AMRUT) hmalak dan tur an sawiho. Meeting Environment, Forests & Climate Change Department chuan Thawhlehni khan an Minister Lalrinmawia Ralte hovin PCCF Conference Hall, Tuikhuahtlang-ah Quarterly Review meeting an nei. CM ngen Thawhlehni khan MNF General Headquarters-a Vigilance department chuan Chief Minister hnenah lehkha thehlutin Mizoram sawrkarin Stamp Duty a chhiah a lak mek chu tihniam turin an ngen. Hawng Nilaini khan Chief Minister Lal thanhawla chuan New Secretariat Complex-a Directorate of Science and Technology Office Building sak thar a hawng. Gas sawiho FCS&CA Minister ohn Rotluanglian hovin Nilaini khan sawrkar mi pawimawhte, CYMA, Consumer Union, Distributor leh IOC hotu ten Secretariat Conference Hall-ah gas harsatna an sawi ho. Rorel inkhawm YMA rorel inkhawm vawi khatna chu Ningani khan R. Dengthuama Indoor Stadium, Mualpui, Salem Veng ah neih a ni a, kum 2017 kumpuan atan ‘Ram leh hnam humhalh’ tih chu thlan a niin kumm 2017 khawmpui neihna atan Zotlang, Champhai chu thlan a ni bawk. Khawmpui ah hian YMA khawih agenda 4 leh sawrkar khawih agenda 8 an pawm. Spl.Conf. Mizo Hmeichhe Insuihkhawm Pawl (MHIP) Special Assembly chu Ningani khan Vanapa hall ah neih a ni a, dan bu bung thenkhat an siamtha. CM in hmanpui Peace Accod MNF Returnees Association (PAMRA) chuan Ningani khan Chanmari YMA Hall-ah khawmpui an hmang a, Chief Minister Lal Thanhawla leh SWD Minister PC Lalthanliana ten an hmanpui.