MLA bâng Indian National Congress (INC) ticket-a Tuirial biala tum hnih thlan tlin tawh MLA, Hmingdailova Khiangte chuan Thawhtanni khan Assembly speaker Hiphei hnenah MLA atanga bànna a thehlut a, a bial ngaiah hian kumin inthlanah independent-a din a tum. IDD Day October 21, 2018 kha khawvel pumpuia Iodine tlakchham vanga harsatna dona ní, Global Iodine Deficiency Disorder (IDD) Day a ni a, Pathianni a nih avangin Mizoramah chuan hian Thawhtanni khan hman a ni. MPF-in ngen Mizoram People Forum (MPF) general headquarters chuan Thawhtanni khan thuchhuah siamin, MPF leh political party tinin Thawhhona Thuthlung bawhchhia an awm chu pawi an tih thu an tarlang a; Thawhhona Thuthlung chu zâwm turin political party tin an ngen nawn. Forest Guard sawisa October 18, 2018 (Ningani) zan khan Environment, Forest & Climate Change (EFCC) department-in Mamit district-a teak plantation a siama teak thing rutute mantu forest guard pahnih chu Bairabi khuaah sawisak an ni. Chite plastic Chite luia plastic hnawmhnawk lut thenfai dan tur leh sâwngbawl zui dan tura thutlukna siam tawh bawhzui dan tur Thawhtanni khan Chief Secretary pisa conference hall-ah secretary Lalnunmawia Chuaungo hoa rêl a ni. Conclave Thawhlehni khan Mamit College basketball ground-ah Young Voters Conclave 2018 hman a ni a, Mamit DC Vanlalngaihsaka’n a hmanpui. School Games Mizoram Secondary School Games vawi 36-na chu Thawhlehni khan Chhangphut Field, Champhaiah tan a ni a, Champhai DC Dr Naveen Aggarwal-i’n a hawng. ZPM candidate Pawl hrang hrang tang­rual pawl, Zoram Peoples' Movement (ZPM) chuan Nilaini khan Aijal Club-ah November 28, 2018-a Mizoram Legislative Assembly inthlanpuia an candidate turte an puang. HIMNA-MADAT Project HIMNA-MADAT (Mizoram Against Drug Abuse and Tobacco) hmalaknaa buatsaih 'IEC Materials and Research Study’ leh Modules-te chu Nilaini khan Vanapa Hall-ah tlangzarh a ni a; GAD secretary Ashish Kundra leh Planning secretary Dr C Vanlalramsanga ten an hmanpui. Ran chhiarpui India ram puma ran chhiarpui, All India 20th. Livestock Census neih tur pualin nimin khan Champhaia AH&Vety pisaah district level training buat­saih a ni a; chhiarpuia mawhphurhna neite thil tih dan tur an inzirtir. NHRC TSR lokal National Human Rights Commission (NHRC)-a Thematic Special Rapporteur Dr Ashok Sahu, IES (Rtd.) chuan Nilaini khan Kolasib a tlawh a; Kolasib DC Dr Arun T leh SP Abhisek Dhania ten lo dawngdawngin, sorkar officer dangte leh Kolasib YMA sub-hqrs leh Kolasib MJA hruai­tute nen an inkâwm. MPF-in tlawh Mizoram Peoples’ Forum (MPF) hruaitute chuan Nilaini khan MPF leh political party-te Thawhhona Thuthlunga hming ziak party-te zinga Thuthlung bawhchhia an ngaih political party pathum - Congress, MNF leh BJP hruaitute an pisaah theuh kal chilhin an kâwm; Thawhhona Thuthlung zâwm tur leh bawhchhe lo turin an ngen. MZP rorel Mizo Zirlai Pawl (MZP) chuan Ningani khan Saitualah Assembly vawi 63-na hman chhunzawmin, Saitual College auditorium-ah rorel inkhawm an nei a. Mizoram leh Assam ramri chinfel a nih theih nana hmalak chhunzawm an rel bakah, all India civil service leh central service-ah Mizo tam zawk an luh theih nan nasa zawka hmalak an rel.