Chhunzawm rel Ni 23.10.2017 (Thawhtanni) khan Home Minister R.Lalzirliana hovin Co-ordination Committee on Traffic Management chu a office chamber-ah an thukhawm a; motor number digit tawp ang zela intlanchhawk chu la kalpui chhunzawm zel nise tih an rel. Dincham Ni 23.10.2017 (Thawhtanni) kha MNF din champha phak vawi 56-na a ni a, Aizawl leh khawpui dangah te hman a ni. Enfiah Ni 23.10.2017 (Thawhtanni) khan MDA MLA, AMC Mayor leh Councillor ten New Capital Complex-a sawrkar hnathawk Quarter chhungkaw 18-in an luahlai chhu thiat a, PHE Engineer-in-Chief Office sak hnan tum chu a hmun ah an enfiah. Kawm Ni 23.10.2017 (Thawhtanni) khan Social Welfare Minister PC Lalthanliana chuan a Office chamber ah Mizoram a hnuchham In hrang hrang Home enkawltu te a kawm. VC ten kawm All Mizoram Village Council Association (AMVCA) chuan ni 24.10.2017 (Thawhlehni) khan Aizawl Press Club ah chanchinbumite an kawm a, tualchhung rorelna tha kal pui thuai an duh thu an sawi. Tlangzarh Khawpui fai ber neih tuma Mizoram sawrkar hmalakna, Swachh Survekshan 2018 Roadmap chu ni 24.10.2017 khan UD&PA Minister Zodintluanga'n a pisa-ah a tlangzarh. Inhlan Ni 24.10.2017 (Thawhlehni) tlai dar 4 khan Central YMA hruaitu thar leh hruaitu hlui te chuan Central YMA OB room Tuikhuahtlang-ah charge an inhlan. Khawmpui MZP Assembly chu ni 24.10.2017 (Thawhlehni) khan Electric Veng YMA Hall-ah neih a ni a, kum 2017-2019 chhunga an pawl President atan L. Ramdinliana Renthlei thlan a ni. Thlah Ni 24.10.2017 (Thawhlehni) khan I&PR Department chuan an building hlui kum 40 a upa thiah tur pualin hun an hmang. Building hlui hmunah hian North Eastern Council (NEC) atanga sum hmuh hmangin “Lianchhiari Run Multi-Facility Centre” sak a nih dawn avangin thiah tur a ni. Session ko Mizoram Legislative Assembly thlasik thutkhawm chu Nov. ni 14,2017 a nei turin Governor in a ko a, session rei hun chhung leh tih tur hrang hrang te chu Business Advisory Committee thukhawmin an rel ang. Hawng ICFAI University leh North Eastern Council tangkawp ten International Conference an buatsaih, ‘Development of North-east India through linkages with South and South East Asia’ chu ni 25.10.2017 (Nilaini) khan Mizoram Governor Lt. Gen (Retd) Nirbhay Sharma chuan a hawng. Meeting Ni 25.10.2017 (Nilaini) khan Chief Minister Lal Thanhawla hovin Council Of Ministers chu Chief Secretary’s Conference Room ah an thukhawm a, thu pawimawh hrang hrang an rel. Tifel Ni 26.10.2017 (Ningani) khan Chief Minister Lal Thanhawla chuan Press mite kawmin Mizoram sorkarin Mizoram Institute of Medical Education & Research (MIMER) din turin theihtawp a chhuah mek a, Medical College atana mamawh zawng zawng sorkarin a tifel vek tawh tih a sawi. Vailiam Finance Secretary Lalmalsawma chuan ni 26.10.2017 (Ningani) khan NEDP hnuaia Uttarakhand-a Press Study Tour-a kal tur te I&PR Directorate kawtah a vailiam. Halpuah khap Ni 26.10.2017 (Ningani) khan Home Minister R.Lalzirliana hovin a Office Chamber-ah kum 2017-2018 Krismas leh Kumthar vuakvet laia halpuah leh silai lem a mu kapchhuak thei (a kah na) chi lakluh, zawrh leh hman khap chungchang rel a ni. AMC in rel Aizawl Municipal Corporation Board of Councillors Meeting ni 26.10.2017 (Ningani) a neih chuan khawlaia bawlhhlawh paih khapna Anti-Littering chungchang ah Regulation siam nise tih an rel. Mizoram titha Ni 26.10.2017 (Ningani) a Ministry of Housing & Urban Affairs hnuaia Mission/Scheme hrang hrang kalpui dan thlirletna, Review Meeting neih ah Mizoram chu hmarchhak biaka titha ber a nih thu puan a ni.