Inrem October 14 & 15, 2017 (Inrinni leh Pathianni) khan Shillong Mizo Kohhran (PCI) leh Shillong Mizo Baptist Kohhran (BCM) te chuan “Amah chu kan inremna a ni” (Eph 2:14) tih thupui hmangin Inremna Inkhawm an buatsaih. Hlan Ni 15.10.2017 (Pathianni) zan khan dar 8:30 khan 71st YMA General Conference hmanna tur Pandal “Zokhawpui Rûn” chu Pathian hnena hlanna neih a ni a, Conference neihna tur Pandal hi a dung 190 ft. (stage telin) niin a vang 160 ft. a zau a ni. Hawng Cooperation Minister Vanlalawmpuii Chawngthu chuan ni 16.10.2017 (Thawhtanni) khan Samlukhai Community Hall-ah sawrkar laipui Ministry of Textiles leh Mizoram Apex Handloom & Handicraft Cooperative Society in an buatsaih Hastkala Sahyog Shivir (Handloom and Handicraft camp) a hawng. Hmanpui Ni 16.10.2017 (Thawhtanni) khan Students' Self-Support Union General Assembly vawi 32-na chu Chanmari YMA Hall-ah hman a ni a, he hun hmanpuitu Home Minister R. Lalzirliana chuan thawhrimna tello hausakna chu thil tlo lo leh hlauhawm a nih thu a sawi. Hawng Ni 16.10.2017 (Thawhtanni) khan Art & Culture Minister R. Romawia chuan Pachhunga University College Seminar Hall-ah ‘Certificate Course in Mizo Cultural Studies and Performing Arts’ a hawng. NGO-in beisei Ni 16.10.2017 (Thawhtanni) khan NGO Coordination Committee chu MUP Office ah an thukhawm a, kum 2018 MLA Election lo awm turah Mizoram chhunga political party hrang hrangte Chakma candidate nei lo tura an ngenna chuan awmzia a neih ngei an beisei tih an sawi. Tlangzarh Central YMA hnuaia Literature Sub Committee hmalakna Mizo tawng hman dan dik sawihona Video CD leh Khaw hrang hrang hming put chhan lehkhabu chu Central YMA President Lalbiakzuala'n ni 16.10.2017 (Thawhtanni) chawhnu dar 3 khan Central YMA OB room Tuikhuahtlang-ah a tlangzarh. Kut sil ni Ni 16.10.2017 (Thawhtanni) khan Global Handwashing Day 2017 (Khawvel pum a kut silfaina ni) chu Mizoram hmun hrang hrangah hman a ni. YMA Conf. tan YMA General Conference vawi 71-na chu ni 17.10.2017 (Thawhlehni) zan khan Champhai Zotlang a ‘Zokhawpui Run’-ah tan a ni a, palai lawmna leh report a hun hman a ni. Speaker in ngen Mizoram Assembly Speaker Hiphei chuan Chakma Autonomous District Council chu dan ang thlapa din a nih vangin thiah a harsat a rin thu a sawi a, Central YMA ten General Conference-a thurel tur zinga CADC thiah chungchang an dah pawh rel lo turin a ngen tih ni 17.10.2017 (Thawhlehni) khan Press mite hmaah a sawi. CADC Ni 18.10.2017 (Nilaini) a YMA General Conference, Champhai Zotlanga neih chuan Chakma District Council dan anga thiah anih theih nana hmalak rawtna an pawm. Meeting Ni 18.10.2017 (Nilaini) khan Agriculture Conference Hall-ah Agriculture Minister K.S Thanga hovin Agriculture Department hnuaia Research & Extension (R&E) scheme leh hnathawh chungchang Review Meeting neih a ni. Bail Khehpuam vanga man Chief Information Commissioner hlui Robert Hrangdawla IAS (rtd) chu ni 18.10.2017 (Nilaini) khan bail a chhuah lailawk tir a ni. YMA OB Ni 19.10.2017 (Ningani) khan kum 2017-2019 chhunga Central YMA hruaitu tur thlan a ni a, President ah Vanlalruata thlantlin a ni. Tlawh Chief Secretary Lalmalsawma chuan ni 19.10.2017 (Ningani) khan Sakawrdai leh a chhehvel khuate a tlawh. YMA hruaitu thar Champhaia YMA Conference 2017 chu a tiak ta a, hruaitu thlan thar te chu President-Vanlalruata, V.Pres- R. Lalngheta, Secretary-Lalhmachhuana, Asst Secretary- Peter Chhakchhuak, Treasurer- Lalrochuanga Pachuau, Fin. Secy- Fabian Lalfakawma te an ni.