Governor leh CM
April 11, 2022 khan Raj Bhavan-ah Governor Hari Babu Kambhampati leh Chief Minister  Zoram-thanga te chuan Mizoram chhunga Kawl- phetha tam zawk siamchhuah dan tur chung-chang leh thil pawimawh dang te an sawi dun a. He sawihonaah hian Power Minister R.Lalzirliana pawh a tel a ni.

NAAC Grade A lawm
Chief Minister Zoramthanga chuan April 12, 2022 khan Govt. Zirtiri Residential Science College building thar hawnna leh NAAC Grade 'A' Accreditation lawmna inkhawm, GZRSC Durtlang campus a buatsaih chu khuallian niin a hmanpui. Higher & Technical Education Minister Dr. R. Lalthangliana chu he hunah hian khualzahawm a ni.

Thuthlung ziak
April 12, 2022 khan Education Complex Conference Hall, Mc Donald Hill, Zarkawtah Samagra Shiksha Mizoram leh Cricket Association of Mizoram te chuan kum nga chhung daih tur Thawhhona thuthlung an ziak.

TOURISM MINISTER TEL
April Ni 12 & 13, 2022 chhunga  New Delhi-a Tourism & Culture Ministers Conference-ah Mizoram Tourism Minister Robert Romawia Royte leh Official te an tel.

MIZORAM RAHBI
Chief Minister Zoramthanga chuan April 12 khan Dawrpui Multipurpose Hall-ah Mizoram Rahbi: Micro Startup Capital Competition 4.0 a tithate hnenah lawmman a hlan. 

RD hmalakna thlir

April 13, 2022 khan Rural Development Minister Lalruatkima hovin Rural Development Department hmalakna thlirhona neih a ni.

Indo-Myanmar

Zokhawthar Land Custom Station (LCS) kaltlanga ramri insumdawn tawnna chu hun engemaw chen a chawl titih tawh chungchangah International Trade Initiative Forum (ITIF), Mizoram chuan 29.03.2022 khan Prime Minister Narendra Modi hnenah lehkha leh memorandum an thehluh bawhzuiin Raj Bhavan-ah Governor Hari Babu Kambhampati an kawm. Ramri insumdawn tawnna a kal thuai theihna turin hma la turin an ngen bawk a ni.

Oil chungchang
April 13, 2022 khan Supply Minister K. Lalrinliana chuan  sawrkar laipuia Petroluem Ministry Secretary Pankaj Jain chu kawmin Mizoram-a Oil phurh luh man rate chungchanga buaina awmte a sawi pui a ni. 

SBI CSR
State Bank of India chuan an Corporate Social Responsibility (CSR) atangin medical equipment cheng nuai 96.98 man hu chu a tul anga hman turin April 13, 2022 khan Chief Minister Zoramthanga hnenah CM office ah an hlan. H&FW Department hnenah pek nghal a ni.

FIRE SERVICE WEEK
Kum tinin Fire Service Week hi India ram pumah 14th – 20th April chhungin hman thin a ni a. 14th April bik hi Fire Service Day/ Martyrs Day atan hman a ni bawk. Heng mitthi te hriat-rengna atan hian Fire Service Day hi April 14 ah hman thin a ni. April 14 - 20 chhung hi Fire Service Week atan hman a ni.

Shooting Range
April 14, 2022 khan Home Minister Lalchamliana’n Falkland Veng a man chawia silai kahna hmun Zakamlova Shooting Range chu khuallian niin a hawng a. He hun hi Power & Electricity changtu Minister Pu R Lalzirliana pawhin khualzahawm niin a hmanpui a ni.

NAAC A grade lawm
Govt. Serchhip College chuan NAAC Grade 'A' Accredication pek an nih lawmna 14.4.2022 khan an college campus ah an hmang a. Chief Minister Zoramthanga chuan khuallian niin a hmanpui.

Rider leh Thingpui ruai buatsaih sak
"North East on Wheels” expedition a team pakhat Saza - Serow  Team chuan April 13, 2022 khan Jampui Tlang, Tripura atangin Mizoram rawn lutin chawhnuah khan Aizawl an rawn thleng a. Heng rider te pual hian Governor Hari Babu Kambhampati chuan Raj Bhavan-ah Thingpui Ruai a lo buatsaih sak a ni. Saza - Serow  Team te hi Aizawl khaw pawn, Lengte peng atangin Tourism Minister Robert Romawia Royte chuan Bike khalh in a rawn hruai thleng a ni.