ZIRHONA NEI
September 26, 2022  khan Mizoram Legislative Assembly Secretariat-a Officer leh Staff te tan Assembly Secretariat Conference Hall-ah Cyber Crime Awareness Campaign neih a ni.

Sawrkar hotute ko
October 27, 2022 khan Mizoram Information Commission office-ah a thawh thumna atan public authorities 10 (sawm) RTI Act, 2005 Section 4(1)(b) zawm chungchang sawiho turin Lalnunmawia Chuaungo, Chief Information Commissioner leh Zorammawia, Information Commissioner, Mizoram Information Commission te hmaah koh an ni a. 28.09.2022 khan department 10 (sawm) dang sawihona nei tura koh an ni bawk.

TOURISM DAY
Mizoram Tourism Department buatsaihin World Tourism Day 2022 chu Vanapa Hall, Aizawl-ah September 27, 2022 khan hman a ni a. He hunah hian Tourism Minister  Robert Romawia Royte chu Khuallian leh T.C. Pachhunga, Vice- Chairman, Tourism Development Board chu Khualzahawm niin he hun hi an hmanpui a ni.

Lawmpui
September Ni 14, 2022-a New Delhi-a neih, ‘Outlook AgriTech Summit & Swaraj Awards 2022’-a ‘OUTSTANDING NORTHEAST STATE IN AGRICULTURE’ Award Mizoram-in kan dawn avangin September ni 27, 2022 khan All Mizoram Farmers Union (AMFU) hruaituten Agriculture Minister C. Lalrinsanga chu a office-ah lawmpuina hun an hmanpui.

KUM 39 TLIN LAWM
Mizoram Rural Bank (MRB) chuan 27.9. 2022 khan an Head Office, MINECO-ah kum 39 an tlin an lawm a, Land Revenue & Settlement Minister Lalruatkima chuan khuallian niin a hmanpui.

COVID-19 Guidelines sut
COVID-19 hrileng a lo ziaawm tak avangin Dr Renu Sharma, Chairman, State Executive Committee, State Disaster Management Authority chuan Disaster Management Act tlawhchhana COVID-19 inkaihhruaina hman mek thiahna thupek chu September 27, 2022 khan a tichhuak.

PROTECTION BILL
September 29, 2022 khan Agriculture Minister C. Lalrinsanga hovin a office chamber-ah Mizoram Sub-Committee on Draft Mizoram River Protection Bill an thukhawm.

REVIEW MEETING
September 29, 2022 atang khan Assembly Annex Conference Hall-ah National Vector Borne Disease Control Programme (NVBDCP) leh State 10 Health & Family Welfare Department te chuan ni 3 (29th September, 2022 – 1st October, 2022) awh Regional Review Meeting (RRM) an nei a, he ni thum chhung awh tur Regional Review Meeting hi Health Minister Dr R. Lalthangliana chuan khuallian niin a hawng.

Sawrkar Laipui ngen
Ministry of Development of North Eastern Region (MDONER) Parliamentary  Consultative Committee September 29, 2022 khan New Delhi-a thutkhawmnaah Mizoram MP (LS) C Lalrosanga chuan Mizoram khawchhak lam leh chhim lamah thlawhtheihna tumhmun siamna tur hma la turin Sawrkar Laipui a ngen a.

Hotulute kawm
September 29, 2022 khan Governor Hari Babu Kambhampati leh Lady Governor Jayasree Kambhampati te chuan ni 2 chhung Serchhip District a official programme hmang turin Serchhip khawpui an thleng a. DCr Office tlawh hmasa berin hetah hian District a Sawrkar hotulute a kawm nghal a ni.