Himna sawiho Ni 4.9.2017 (Thawhtanni) khan Raj Bhavan-ah Mizoram Governor Lt. Gen (Retd) Nirbhay Sharma kaihhruaina hnuai-ah Healthy Mizoram Campaign leh Project HIMNA-MADAT an sawiho. Service lo Mamit leh Aizawl inkar kawng NH 44A a chhiat em avangin Mamit Maxicab Driver te chu ni 4.9.2017 (Thawhtanni) atang khan an service lo. CM in hawng Ni 4.9.2017 (Thawhtanni) khan S&S Art Gallery Lower Zarkawtah Chief Minister Lal Thanhawla chuan I&PR leh Mizoram Art Development Society (MADS) tangkawp in an huaihawt 5th Solo Exhibition of Paintings by H.K.Jerry Ramliana a hawng. Phut nawn MNF Party chuan Lottery chungchang CBI chhui tir tura sawrkar an ngenna lehkha an thehluh tawh chu rang zawka tih hlawhtlin phutin ni 4.9.2017 (Thawhtanni) khan Chief Minister Office-ah an kal nawn leh. Thukhawm Save Chite Lui Coordination Committee chu Thawhtanni (ni 4.9.2017) khan an Patron, Larsap Lt. Gen. Nirbhay Sharma kaihhruaina hovin an thukhawm. Intlanchhawk rel Ni 5.9.2017 (Thawhlehni) khan Home Minister R. Lalzirliana hovin CS Conference Hall-ah Co-ordination Committee on Traffic Management an thukhawm a, Aizawl khawpuia Traffic Jam tihziaawm dan tur hrang hrang an sawiho a, October ah lirthei intlanchhawk an rel. Thehlut Ni 5.9.2017 (Thawhlehni) tlai dar 4:30 khan NGO Coordination Committee chuan Mizoram All Political party leh NGO Coordination Committee hminga Citizenship Amendment bill 2016 duhlohna memorandum chu Joint Secretary, Committee on citizenship amendment bill 2016 leh Joint Secretary Lok Sabha secretariat hnenah an thehlut. Ruat fel Zoram Peoples' Movement committee ni 5.9.2017 (Thawhlehni) a ZNP Office-a thukhawm chuan Val Upa Council member leh Steering Committee member an ruat fel. Zirtirtu ni September ni 5,2017 (Thawhlehni) kha Zirtirtute Ni (Teachers day) a ni a, India ram hmun hrang hrangah lawm a niin Mizoram ah pawh he ni hi school hrang hrangah zirtirtute chawimawina ni atan hman a ni. CM in hawng Chief Minister Lal Thanhawla chuan ni 5.9.2017 (Thawhlehni) khan ni 4 chhung awh tur, North East Zone Inter State Badminton Championship, Aizawl 2017 chu R.Dengthuama Auditorium-ah a hawng. Dang Mizoram University Students Council chuan Vice Chancellor dah nghet phutnan ni 6.9.2017 (Nilaini) khan Mizoram University a hnathawk zawng zawng te pisa kai tur an dang. Charge hlan Aizawl District Deputy Commissioner Kannan Gopinathan, IAS chuan ni 6.9.2017 (Nilaini) khan amah thlaktu tur Dr.A. Muthamma, IAS hnenah charge a hlan. Jt meeting Ni 6.9.2017 (Nilaini) tlai dar 5:30 khan New Delhi a cham mek NGO Co-ordination Committee hruaitute leh Election Commission of India hotute chuan Election Commission of India meeting Hall ah joint meeting an nei a, Tuikuk chungchang an sawiho. Boral Minister hlui leh Mara Autonomous District Council Chief Executive member hlui Zakhu Hlycho (75) h/o Suipari chu ni 6.9.2017 (Nilaini) chawhnu dar 1:30 khan Stroke vangin Aizawl Civil Hospital Intensive Care Unit (ICU)-ah a boral. Hawng Rs.nuai 50 senga sak Kolasib District Library Extension Building chu ni 6.9.2017 (Nilaini) khan R.Romawia, Minister Art & Culture Department chuan a hawng. ADC sawiho Ni 6.9.2017 (Nilaini) khan Chief Minister Lal Thanhawla chuan CM Conference Room-ah sawrkar mi pawimawh te leh Autonomous District Council pathum hruaitute chu Autonomous District Council chungchang a sawipui. Thukhawm Ni 7.9.2017 (Ningani) khan NLUP Implementing Board chu an Chairman JH Rothuama hovin NIB Conference Hall-ah an thukhawm a, MLA bial tinah NLUP la dawng lo 200-400 vel theuh pek leh an rel.