ADC dil Mizoram Bru Indigenous Democratic Movement (MBIDM) tih invuahte chuan Thawhtanni khan Union Home minister Rajnath Singh hnenah memorandum an thehlut a; Mizorama Bru-te tan autonomous district council siam turin an ngen. Suicide Prevention Day Thawhtanni khan Champhai District Mental Health Programme leh District Legal Services Authority-te ?angkawp chuan nimin khan Champhai IPR auditorium-ah World Suicide Prevention Day an hmang a, Champhai khawpui chhunga NGO hrang hrangte an tel. Lung phum Minister Zodintluanga chuan Thawhtanni khan a bial chhunga Lungsen khuaah Lungsen North Branch YMA Hall sak tur lungphùm a phúm a; thu sawiin, Mizo thalai theihna (talent) nei tha tak takte chu bul tan tha a, tuina bik âtchilh neia intuaithar turin a chah. Rualbanlote vote MLA General Election 2018 hmachhawn tura inbuatsaihna kal zelah Thawhtanni khan Aizawl DC conference hall-ah district election officer (DEO) Dr A Muthamma, Aizawl bawrhsap hoin rualbanlote'n vote an thlak dan tur official-te'n an sawiho. Kawng zawh Tlabung RD Block Demand Committee (TRDBDC) huaihawtin Thawhlehni khan Tlabung leh a chhehvel khuaa mipuiin Tlabung RD Block siam phûtin Tlabungah kawng an zawh a.Tlabung RD Block a pian hma chu hmalak zel an tum thu an puang. Lawmman Mizoram Youth Co­mmission (MYC) chair­man Joseph Lalhimpuia, MLA chuan, kumin a?ang­in Mizo ?halai UPSC Civil Services Examinations preliminary exam pal­tlangte hnenah Rs. 1,00,000 leh mains exam paltlangte Rs. 2,00,000 pek an nih tur thu Thawhlehni khan a sawi. Education Centre Mizoram Science Centre, Berawtlanga Innovation Hub & Space Education Centre din thar chu chief minister Lal Thanhawla'n Thawhlehni khan a hawng. Innovation Hub & Space Education Centre sakna atan National Council for Science Museums (NCSM) chuan cheng nuai 386 a sêng tawh. NLUP stay Gauhati High Court chuan Thawhlehni khan order chhuahin, Mizoram sorkar chu NLUP sem lo turin a hriattir a; NLUP thubuai chungchang ngaihtuah hun atan September 18, 2018 a ruat. Anti-Tobacco Thawhlehni khan Mizoram hmun hrang hrangah Mizoram State Anti-Tobacco Day vawi 5-na hman a ni. Aizawlah chuan ISTH leh NTCP bultumin Aijal Club-ah hman a ni a, minister John Rotluangliana'n a hmanpui. Thupui chu ‘In chhung leh lirthei chhunga meizûk loh’ tih a ni. Siktuithiang Kût MHIP General Head­quarters leh Art & Culture department huaihawtin Nilaini khan Lammualah Siktuithiang Kût hman a ni a; Art & Culture minister R Romawia khuallian niin, minister Vanlalawmpuii Chawngthu pawhin a hmanpui. Agenda thlifim YMA-a rorelna sang ber dawttu, Central Coordination Committee (CCC) chu Nilaini khan Central YMA Hall-ah an ?hu a, CCC meeting vawi 87-na a ni. Central YMA president Vanlalruata'n kaihhruaiin, member 181 an kal a; kumina YMA Rorel Inkhawm neih tura thu ngaihtuah tur (agenda)-te an thlifim. Hriattir Mizoram Pradesh Congress Committee (MPCC) hnuaia Disciplinary Action Committee (DAC) chuan Nilaini khan an party vice president R Lalzirliana, Home minister ni bawk chu show cause notice an pe a, insawifiah turin an hriattir. Training khar Sports and Youth Services department-in State Training Centre, Tanhrila September 7 atanga Basic Course for Guide Captains Training an buatsaih chu Ningani khan zawh a ni. Hawng SCERT Multipurpose building leh DIET Hostel building tharte chu September 12, Nilaini khan School Education minister H.Rohluna’n a hawng. Lawmthu sawina Mizoram Pradesh Congress Committee (MPCC) chuan Ningani khan Falkawna Mizoram Institute of Medical Education & Research (MIMER) hmunah MIMER leh Tuirial Hydro Electric Power (HEP) project lawmna leh lawmthu sawina hun an buatsaih. ILP nei lo Central YMA ruahman angin, September 13, Ningani zan khan Mizoram pumah YMA branch hrang hrangin an huam chhunga hnam dang awmten Inner Line Permit (ILP) an neih leh neih loh an endik a, hriat theih chinah ILP nei lo hnam dang 873 an man chhuak.