Khawmpui Ni 10.9.2017 (Pathianni) khan Presbyterian Kohhran Naupang Sunday School Inkhawmpui, UPC(NEI) Sunday School Department khawmpui leh IKK Naupang Inkhawmpui te neih a ni. Anti tobacco day Ni 11.9.2017 (Thawhtanni) khan Lal Thanhawla Auditorium-ah ‘Vaihlo tel lo infiamna’ tih thupui atan hmangin state pum huapa vaihlo do ni, 4th Mizoram State Anti-Tobacco Day 2017 chu Chief Minister Lal Thanhawla hovin, zirlai te leh sports association hrang hranga hruaitute nen hman a ni. Intihlum ven ni World Suicide Prevention Day 2017 chu Department of Psychiatry leh National Mental Health Programme & HFW buatsaihin ni 11.9.2017 (Thawhtanni) khan Chanmari YMA Hall-ah hman a ni. Dang Pachhunga University CollegeC Students Union chuan ni 11.9.2017 (Thawhtanni) khan MZU Vice Chancellor nghet neih phutin college zirlai leh staff te kal tur an dang. Kawng ping Ni 11.9.2017 (Thawhtan) zan dar 11:30 bawr vel khan Bawngkawn to Durtlang Road Haflong kawi chhak tuikhur awmna zawn ko chhak chu chimin, lung lian tak tak a tla a, hei hian kawngpui a hnawh ping vek a ni. Truck ding Mizoram Truck Owners Association (MTOA)leh Mizoram Truck Driver Association (MTDA) ten Bairabi leh Aizawl inkar kawngpui chhe lutuk siam phutin ni 11.9.2017 (Thawhtanni) zing dar 5 atang khan bungraw phur lirthei lian zawng zawng an dintir. CM in hawng Chief Minister Lal Thanhawla chuan ni 12.9.2017 (Thawhlehni) khan Rashtriya Uchchatar Shiksha Abhiyan sum, Rs. nuai 140/- senga sak that Hrangbana College Golden Hall, Conference Hall, Practical rooms leh Class room te chu a hawng. Hlan Mizoram Lui dunga nungchate humhalh na kawnga thawk tha YMA branch te hnenah ni 12.9.2017 (Thawhlehni) khan lawmpuina pawisa RKVY Scheme atangin Fihseries department chuan an hlan. Nihna invuah Zoram Peoples' Movement Steering Committee ni 12.9.2017 (Thawhlehni)-a thukhawm chuan Tangrual Pawla mawhphurtu tur an insiam fel a, Chairman ah Upa Lalliansawta an ruat. Workshop Ni thum awh tur Media Workshop on Climate Change Reporting chu ni 13.9.2017 (Nilaini) khan Aijal Club ah neih a ni a, Governor Lt. Gen. (Retd.) Nirbhay Sharma chu khuallian niin, ‘Media manual of IHCAP’ a tlangzarh nghal. Hawng Sports & Youth Services Minister Zodintluanga'n ni 13.9.2017 (Nilaini) khan Hawla Indoor Stadium, Republic Vengthlangah feet 52 a sang Outdoor Artificial Rock Climbing Wall a hawng. Titawp Kawng chhiat vanga Truck Driver & Owners Association ten ni thum chhung bungraw phur motor tlan loh an tih chu ni 13.9.2017 (Nilaini) chawhnu dar 3:30 khan an ti tawp. Thukhawm Ni 13.9.2017 (Nilaini) khan Chief Minister's Conference Hall-ah Mizoram Road Fund Act 2007 (Ammended in 2016) leh Mizoram Road Fund Rules, 2017 tlawhchhan a din, Mizoram Road Fund Board(MRFB) chu a vawikhatna atan, Chief Minister Lal Thanhawla hovin, a taka hnathawh tan dan tur leh hmalak dan tur an rel. CCC meeting Ni 13.9.2017 (Nilaini) khan Central YMA Hall-ah YMA Rorelna sang Central Coordination Committee (CCC) Meeting vawi 84-na neih a ni a, Meeting hi President Lalbiakzuala’n a kaihruai a, YMA General Conference agenda tur an thlifim. Bandh Ni 14.9.2017 (Ningani) khan Mizo National Front chuan ‘Kawng chhe lutuk avanga harsatna tawk mipuite thlavang hauhna Total Bandh’ an huaihawt a, Bandh hian thlawp a hlawh hle a, chawhnu dar 3-ah tihtawp a ni. Meeting Ni 14.9.2017 (Ningani) khan Myanmar a Rohingya helpawl leh Myanmar sawrkar sipai ten Myanmar hmar lam Rakhine State a an buai vanga Rohingya hnamte India an lo luh chungchangah High level security meeting, 23 sector Assam Rifle Khatla ah neih a ni. &&&&&