Zira hnawtchhuak Mizoram Pradesh Congress Committee (MPCC) chuan, an vice president R Lalzirliana chu an party a?angin Thawhtanni khan tiam chin awm loin an hnawt chhuak. R Lalzirliana'n banna a thehluh chu hemi ni vek hian Chief Minister rawtna angin Governor-in a pawm. Mau zirna India hmarchhaka mau hman ?angkaina chungchanga mithiamte inràwn khawmna, National Workshop on Utilization of Bamboo as Building Material in NE Region chu Thawhtanni khan Secretariat conference hall-ah buatsaih a ni a, Finance minister Lalsawta'n a hawng. Swachhata Hi Seva National Health Mission hnuaia State Quality Assurance Unit huaihawtin Thawhtanni khan Aizawl West College-ah Swachhata Hi Seva Campaign (fai tura chêt chhuahna campaign) hawnna hun hman a ni a, NHM mission director Dr Lalrozama'n a hmanpui. World Bamboo Day India hmarchhak state-te'n kum tina a huhoa programme an hman ?hin, World Bamboo Day (North East Region) chu Thawhlehni khan Mizoramah pawh R Deng?huama Hall-ah hman a ni a, chief minister Lal Thanhawla khuallian a ni. Bru Tripura relief camp-a Bru chhungkaw 26 chu September 18, Thawh­lehni khan Mizoramah hruai kír an ni a, nimin khan an awmna hmun tur Lunglei district panpui an ni. Zira chawimawi Saitual District Implementing Demand Committee (SDIDC) chuan Thawhlehni khan an khaw auditorium-ah an bialtu MLA R Lalzirliana chawimawina inkhawm an buatsaih. BBBP Pawm Serchhip District Task Force on Beti Bachao Beti Padhao (BBBP) chu Thawhlehni khan an chairman Sangchhin Chinzah, DC hoin an ?hukhawm a, BBPP kalpuina atana sorkar laipuiin sum a pek hman dan tura ruahmanna an pawm. Inkhawmpui Mizoram Horticulture Service Association (MHSA) chuan, Nilaini khan Horticulture conference hall-ah inkhawmpui an hmang a, Horticulture secretary Rodney L Ralte-in a hmanpui. Cash Award Mizoram Youth Commission (MYC) Cash Incentive Award Committee hotute chu Nilaini khan chairman Joseph Lalhimpuia, MLA hoin a pisaah an ?hu a; Cash Incentive Award sem leh ngei ni se, tiin thu an dah a, award chu category pali-ah ?hen an rél. STAM Science Teachers' Association Mizoram (STAM) chuan Ningani khan Synod Conference Centre-ah General Conference vawi 33-na an hmang a, Mizoram hmun hrang hrang a?ang­in primary school a?anga college thlenga science zirtirtute leh science lama tui mi ?hahnem tak an tel. Special drive Excise & Narcotics department chuan kumina Assembly inthlanpui awm tur avangin tunlai hian Mizoram hmun hrang hrangah ngawrh lehzualin hma an la a, special drive an nei mek zel. September 20, Ningani chawhnu dar 2 khan Phunchawng Mel-7 ah rakzu litre 1,460 an man a, a hmunah eng emaw zat an tichhe nghal. Film festival NEDP hmanga hmalaknaa Innovations India-in an buatsaih, Mizoram International Short Films Festival chu September 20, Ningani zan khan Aijal Club-ah neih a ni a, chief minister Lal Thanhawla'n a hawng. CM Phoenix Project MZP chuan Ningani khan Hawla Indoor Stadium-ah Inter Higher Secondary School Basketball Taurnament 2018 an buatsaih ?an a, Mizoram Youth Commission (MYC) chairman Joseph Lalhimpuia, MLA-in a hawng. Khuallian chuan, Mizo ?halaite tan 'CM Phoenix Project' kalpui tum a nih thu a sawi. Thukhawm Mizoram Road Fund Board (MRFB) chu Ningani khan PWD minister Lal Thanzara hoin CMO conference hall-ah an ?ha; PWD-in action plan hnuaia cheng vbc. 29.36 an dah chu an pawm. Award Mizoram Youth Commission (MYC) chuan Zirtawpni khan Pachhunga University College (PUC) auditorium-ah Young Achievers Award an sem a, Finance minister Lalsawta khuallian a ni. Award hi ?halai, kum 40 hnuai lam mi pariatin an dawng. Mamit DC sawn Mamit DC Bupesh Chaudhary, IAS chu Election Commission of India (ECI) remtih angin sawn chhuah a ni a, Champhai DC hlui Vanlalngaihsaka, IAS, Cooperation department-a Registrar ni mek chu Mamit DC atan dah a ni. DPAR chuan September 20, 2018 khan thupek chhuahin, Bhupesh Chaudhary chu chu Cooperation registrar hna thawk turin a ti bawk.