Hnawl Pathianni zan dar 10 vel khan Zemabawk Kamlala Section a Lalhmingthaa (37) h/o Lalchawlkimi te chhungkaw luah lai Assam type In chu leimin in a hnawl a, thi .leh hliam an awm lo. Tlangzarh Ni 28.7.2017 (Thawhtanni) khan Pi Zaii Hall, Synod Conference Centre-ah Synod Social Front lehkhabu pahnih ‘Zu in Mizote min nghawng dan zir chianna’ leh ‘Political Education Seminar paper’ chu Synod Moderator Rev. Lalzuithanga’n a tlangzarh. Lehkhabu tlangzarh tak atanga a lan danin kum 2013 atanga kumin July thla thleng khan Aizawl a damdawiin pali 3-ah zu kaihhnawih vangin mi 1070 an thi. Sawiho Ni 28.7.2017 (Thawhtanni) khan PHE Engineer-in-Chief pisa ah PHE Department leh I&PR Department official ten mipuite rawngbawlsak kawnga awmze nei zawk leh tangkai lehzual zawka hmalak dan tur an sawiho. Thlen Mizoram University Students’ Council chuan ni 28.7.2017 (Thawhtanni) khan Union Minister for Human Resource Development, Prakash Javadekar hnenah Mizoram University-in Vice Chancellor nghet a neih loh chungchang leh a rang thei ang bera Vice Chancellor nghet pe tura ngenna thirhrui (fax) hmangin an thlen. Kawm Myanmar Chinhills State a Zohnathlak hruaitute chuan ni 28.7.2017 (Thawhtanni) khan Chief Minister Lal Thanhawla chu a chenna Bangla-ah an kawm. Tlangzarh Ni 29.8.2017 (Thawhlehni) khan Chief Minister's Conference Hall-ah rikrum thil a tangkai, chhanchhuah hna thawktute androids hmang, smartphones a, biakpawhna tur, Aizawl DDMA App changtlung zawk chu a mamawhtute hman theih turin Chief Minister Lal Thanhawla'n a tlangzarh a. Rikrum thil a koh theih chhanchhuahna lirthei, damdawi leh chhanchhuahhna thawhna hmanraw chikim a thuam, Emergency Response Vehicle a vailiam nghal bawk. Lungawilo Junior Engineer Services Association of Mizoram (JESAM) hruaitute chuan ni 29.8.2017 (Thawhlehni) khan Non Functional Grade Pay an ngiat mek chungchangah Finance Minister Lalsawta chu a office-ah an hmu a, JE te hian badge dum an bel bawk. DTO thar Aizawl District chhunga Aizawl Municipal Council (AMC) in a huam loh zawng tuam tur Aizawl District Transport Office (Rural) chu Thawhlehni khan Chaltlang-ah Transport Minister John Rotluangliana chuan a hawng. Hemi rual hian district tin DTO-a hman tur vehicle registration software Vahan 4.0 chu tlangzarh nghal. Bang Ni 30.8.2017 (Nilaini) khan Mizoram sawrkar-a Parliamentary Secretary hna chelh mek mi 7 te chuan an nihna atanga banna Chief Minister Lal Thanhawla hnenah an thehlut. Rising day Mizo Zaimi Inzawmkhawm (MZI) chuan ni 30.8.2017 (Nilaini) khan Aizawl Civil Hospital-ah an pawl dincham, 37th Rising Day an hmang a, an dincham pual hian a thlawna thisen pek Blood Donation Camp an huaihawt nghal. Sanction Ni 30.8.2017 (Nilaini) a Mizoram Cooperative Apex Bank Ltd. hotute thukhawm chuan mimal leh kohhran loan dilna, cheng nuai 415 an sanction. Hmanpui Home Minister R. Lalzirliana chuan ni 30.8.2017 (Nilaini) khan Seling MHIP Branch kum 40 tlin a hmanpui a, thu sawiin, “Hmeichhiate thlavang hi hauh sak tlat a ni zel ang,” a ti. Hawng 13th Finance Commission Award 2010-14 sum atanga sak Fire Station Building, Khatla, PHQ Complex-a mi chu ni 31.8.2017 (Ningani) khan Home Minister R.Lalzirliana’n a hawng. Meeting Ni 31.8.2017 (Ningani) khan Mizoram People Forum Governing Body chuan MHIP office-ah meeting an nei. Vbc.30 hmang Law Minister hlui H.Rammawi chuan Mizoram sawrkar chuan ni 31.8.2017 (Ningani) khan Press mite kawmin sawrkar chuan Parliamentary Secretaries-te enkawl nan kum 2009 atanga tun thlenin Rs vbc 30 chuang a seng tawh niin a sawi.