Canadian singer The Weeknd chuan tawih thar a nei a nih hmel a, a hming chu Simi Khadra a ni. Simi Khadra hi Saudi Arabia DJ niin, The Weeknd-a bialnu hlui Bella Hadid best friend a ni nghe nghe a, an chanchin hian titi a luah chho mek. 

Kum 28 mi Simi Khadra hi Bella Hadid nena inthian tha tak an ni a, The Weeknd nen an in 'date' nia sawi a awm avangin a chanchin hian ngaihven a hlawh zual ta a ni. 'Blinding Lights' hitmaker Weeknd leh Simi Khadra te hi tun Fancy Sunset Tower, West Hollywood-ah an chhuak dun a, an hlim dun viau nia tarlan a ni. Anni pahnih hi nikum lam atang tawh khan sawi zawm an lo ni tawh a, an inkar a nghet chho tial tial a nih hmel hle - thla hmasa mai pawh khan The Weeknd album release party-ah Khadra hi a tel a ni. 

Hetiang a nih mek lai hian Bella Hadid chuan Weeknd leh Khadra te hi a lawmpui vak lo a nih hmel a, social media lamah a unfollow ve ve niin khawthlang media te chuan an tarlang. Bella leh Weeknd te hi 2015 - 2019 inkar khan an lo inzui tawh a, boruak tha leh tha lo an nei kar thlak zut reng a nih kha. 

Hei mai hi a ni lo - The Weeknd hi tun hnai khan American actress lar Angelina Jolie nen an in 'date' niin sawi a awm cheu! Nikum July atang khan sawi zawm tan an ni a, Los Angeles khawpuiah zanriah kila an chhuak dun hmuh an ni. September thla-ah Italian restaurant, Santa Monica-ah hmuh dun leh an ni bawk. 

Kum 31 mi Canadian singer hian Saudi Arabia DJ Simi Khadra nge a 'date' a, kum 46 mi Angelina Jolie tih pawh hriat thiam harsa tak a ni a, hunin a la hril ang chu.