7th Pay Council of Minister chu Thawhtanni khan chief minister Lal Thanhawla hoin CS conference hall-ah an thukhawm a, agenda 45 leh addi­tional agenda 12 an ngaihtuah a, Mizoram hnuaia sorkar hnathawkten 7th Pay anga hlawh an lak theih dan tur zirchiang tura dinte'n report an thehluh chu an pawm. Bawngkawn Brigade rama mi mal ram June 4, Thawhtannia chief minister Lal Thanhawla hoa Council of Minister-te Chief Secretary pisa conference hall-a thukhawm chuan, Bawngkawn Brigade rama mimal ram (residential land certifcate) tihtawp (cancel)-na tur an pawm. Solar Power plant Rajya Sabha MP Ronald Sapa Tlau chuan, model village atana a thlan hmasak ber Chhiahtlang khuaah Thawh?anni khan Zoram Energy Development Agency (ZEDA) in Ministry of New & Renewable Energy bul tuma solar power plant an bun thar a hawng. Bru vote thlak YMA, MHIP, MUP, MZP leh MSU-te telna NGO Coordination Committee (Joint NGO) hruaitute chuan, kumina Mizoram Assembly inthlanpui awm turah Mizoram a?anga chhuak Bru, Tripura-a awmte chu an awmna camp-ah vote thlaktir an remti dawn lo tih an sawi a; vote thlâktir tumna a awm a nih chuan na taka an dodal tur thu an puang. MYC-SSC Coaching Thawhtanni khan Mizoram Youth Commission (MYC) chairman Joseph Lal­himpuia, MLA chuan Cultural Heritage Center, Lungleiah MYC-SSC Coaching Centre a hawng. Environment Day Thawhlehni kha World Environment Day a ni a, Mizoram hmun ?henkhatah hman a ni. Kumina thupui chu 'Beat plastic pollution' tih a ni. Tut lei PWD-in Tut lei (Pre-Stressed Concrete Girder Bridge) an dawh thar chu Thawhlehni khan chief minister Lal Thanhawla'n a hawng. Tut lei hi metre 11.25 a zau, metre 128 a thui a ni a, December 31, 2016 khan lei hi dawh zawh a ni a, hna zawh thlenga senso zat chu cheng vbc. 15.50 a ni. Bairabi Tlawng lei Bairabi-a Tlawng lei (pre-stressed concrete bridge) dawh thar chu June 6, Nilaini khan chief minister Lal Thanhawla'n a hawng a, lei thar hi NEC sum cheng nuai 1413.03 senga dawhniin metre 7.50-a zau, meter 160 (ft. 525)-a sei a ni. UPC(M) rorelna sang Mizoram UPC hnuaia rorelna sang, Executive Committee chu Nilaini leh Ningani khan an headquarters conference hall-ah an thukhawm a, thil pawimawh hrang hrang an rel. Cyber Crime inhrilh CID (Crime) leh Police Headquarters Training Branch tangkawp chuan Nilaini khan ATI conference hall-ah Cyber Crime Awareness Programme an buatsaih a, Home minister R Lalzirliana'n a hawng. MiMIR ngaihtuah New Economic Development Policy (NEDP) hnuaiah state sum leh pai dinhmun tihhmasawnna tur ruahman, 'My Project, My NEDP - Mipui Mamawh In?awm Ruahmanna (MiMIR)' chungchang ngaihtuahin Nilaini khan sorkar official-te Aizawl DC A Muthamma hoin an thukhawm. Citizenship Ammendment Bill Law & Judicial minister Lalsawta hoin Ningani khan a pisaah sorkar official, NGO Coordination Committee, political party-te leh Mizoram Kohhran Hruaitute Committee (MKHC) aiawhte an ?hukhawm a; 'Sorkarin Citizenship (Amendment) Bill, 2016-ah a ngaihdan chiang takin tilang rawh se,' an ti. Chaw nghei Mizoram Underground Returnee Association (MURA) chuan Mizorama sorkarna chelh mektu Mizoram Pradesh Congress Committee (MPCC) nena inremna an siam tihpuitlin phûtna atan June 6, Nilaini tlai atang khan an pisaah chaw an nghei. MCS Conference Mizoram Civil Service Association (MCSA) chuan Zirtawpni khan Aijal Club-ah General Conference vawi 43-an hmang a, Home minister R Lalzirliana'n a hmanpui. Minister chuan, chung lam atanga nawrna a awm a nih pawhin, tha nia an hriat chu ti mai turin MCS officer-te a chah.