Aizawl: North East Zone Cultural Centre (NEZCC), Dimpur leh Art & Culture department, Mizoram tangkawp buatsaih Theatre Festival chu nimin khan Vanapa Hall-ah khar a ni. He festival ah hian Meghalaya, Arunachal Pradesh leh Mizoram a lemchang thiam ten an thiamthil an entir a, festival tanni ah Mizoram troupe ten 'Tualvungi leh Zawlpala' an entir a, Zirtawpni khan Meghalaya troupe ten drama entir ve lehin nimin a kharna ah Arunachal Pradesh troupe ten lemchan an entir ve leh a ni. Festival hi NEZCC in hmarchhak biala chengte inpumkhatna leh inpawhtawnna atana a buatsaih a niin a senso pawh a tum vek a ni a. hun remchang hmasa berah state dangah buatsaih leh tum a ni.