- Mahmuaka Chhakchhuak Zep thu a cheng lo, tunlai chu Kohhran boruak leh thil dang zawng aiin mi tin hian Politics kan ngaihven em ni? tih tur hian hmun tin maiah kan sawi a, paho chauh ni loin nuho thleng thlengin an sawi a, thalaite lah chuan kan beidawn leh mangan thu kan sawi chamchi bawk a, sawi tur tingin kan sorkar hrawn mek lah chuan tunhma lama kan la tawn ngai reng reng lohin mipui lungawih lohna min thlen tlat bawk si a nih hi.Zep thu a cheng lo, tunlai chu Kohhran boruak leh thil dang zawng aiin mi tin hian Politics kan ngaihven em ni? tih tur hian hmun tin maiah kan sawi a, paho chauh ni loin nuho thleng thlengin an sawi a, thalaite lah chuan kan beidawn leh mangan thu kan sawi chamchi bawk a, sawi tur tingin kan sorkar hrawn mek lah chuan tunhma lama kan la tawn ngai reng reng lohin mipui lungawih lohna min thlen tlat bawk si a nih hi. Tuma la theihnghilh theih loh turin hmanni lawkah eizawnna atana an hman lai sumo permit chu hrensak a ni a, a chhan lah chu a ho viau lehnghal. Hmun tin maiah “Kawngpui chhiat” thu kan sawi a, a ni bawk lah tak reng a,?hetianga kawngpui chhia hi he Zoram hian a la tawng ngai tlat si lo a, mi tin maiin sorkar kan dem luih luih a, sorkarna chelhtu lam lahin opposition party an han dem daih ta mai a! Nuih a za thin ngawt mai. Balu chunga ui bawk an sawi ang maiin sorkar chelhtu party hrawn mek lah hi a chetna apiangah a che fuh hleithei tlat lo thin bawk a, Keifang hmuna Chief Minister tawngkam tawi tak, hriatreng awlsam tak si bawkte kha kan la hrerengin kan la vawng reng a sin. Favang boruak kan thleng a, ruahtui a hul tan bawk a, mipuite demna a nasat vang leh Opposition te nawr nasat vang pawh a ni ang, kan sorkar chuan a theih ang angin kawng chhia a han siam tha tan a; nimahsela, mipuite beisei loh lamah Aizawl khawpui chhunga kawng, a chhiat thu kan sawi rik ngai reng reng loh chu a han thual tha hmasa phawt a, fur laia mipui kan phunna ber zawk – Aizawl leh thingtlang inkar kawng chhia chu hnuhnung lamah a dah a nih han ring phawt ila a tha ang e. Chief Minister ber lah chuan mipui titi titamtu atan “Cheng khat pawh ka eiru lo” tih thu a han sawi ri leh mauh pek a! Social media lamah a darh nghal chuai chuai a, a hnungzuitute tan ngei pawha tan ngaihna awm lo turin mi tinin kan pawmsak lo a, chumi tichiang turin Kolkatta khawpui lamah kan hriat hauh lohin kan Chief Minister chuan in ropui a lo din luah mai bawk leh ta nghal a! Politics thila inbeihna maiah ngaihsak dawn ila document engkim mai lah chu kan hmu vek bawk a. A beitute lam lah an huai a, ngawih mai mai tum loin Election Commission hnena an lehkha thehluh thlengin kan chhiar ta vek mai si a, opposition lam chan a tha zawk a ni anga tiin mipuiin beng kan chhi ta mek a nih hi. Ni 14 November 2017-a Mizoram Assembly thlasik thutkhawm tan ni chuan Chief Minister chu a banglow atanga a kal tur chu opposition party MNF thalaite chuan lo dan an tum a; nimahsela, dang zo loin an chhuah leh ta tho a, C.M ngei pawh chuan tluang takin House-ah a hun a hmang ta a. Nimahsela,   Aizawl D.C chuan thuchhuah a han siam ta nghal a, Section 144 of the Code of Criminal Procedure 1973 hmangin MacDonall Hill mai duh tawk loin  Zarkawt traffic point  thleng  thlengin mi panga (5) emaw, a aia tam emaw awmkhawm khap a nih thuchhuah chu kan hmu chawpchilh nghal ta mai bawk a.  Hetih lai vek hian MNF lam lah chuan hun kal tawh hnu an rawn phawrh thar lehin. Ni 4?Dec., 2003-a  Chief Minister Zoramthanga thutiam la tur a kal chu Treasury Square-ah Congress thalaiten lo dangin a car an vawm chhiatsak a, Zoramthanga hi a tlan let leh hial a ni. Hei chauh pawh ni loin ni 31 Jan., 2007 chhuna Health Minister Pu R.Tlanghmingthanga office kal tur chu Congress thalaite hian  lo dangin, lungin an lo vawm chiam mai bawk a, motor mai duh tawk loin  Secretariat office tukverh darthlalang tam tak an vawm keh bawk a, Planning Board motor,  MZ-01/1956 chu an halchhiatsak bawk an ti a ni. Heng lo pawh hi sawi tur tam tak a awm ang. Hetiang hian kan party lian pahnihte hian opposition-a an awm laiin sorkarna changtu zawk party chu an bei ta thin a ni a, Kristian rama thleng atan chuan a mak tih mai piah lam a ni. Sorkarna duh vangin an inbei a, na tak takin an inbei a, sorkar lai tihchhiat an duh a, tihmualpho an duh a, inrahbeha che thei loa indah an duh a ni. Sorkarna changtu zawk lahin kan thiltha tih avang hian kan sorkar leh ang tia thiltha zawk tih tum loin opposition beihna atan a thiltihtheihna a han hmang ta daih mai a, neutral tan ngei pawh ngaihtuahna fim hman hi a har a nih hi. Kei zawng heng kan politician-te chet dan hi ka awmhmun atanga ka han thlir vang vang hian Anniah hian hei baka pen lehna tur hi a awm ka ring ngang lo!