February 20, 2023; Mizoram hmun tam takah cement mistiry tan thawhsen loh hna a awm a, Mizo zingah cement mistiry engemawzah awm ve bawk mahse, mistiry nih aia 'helper' nih mai duhtawk an tam vang nge, hnamdang (vai) mistiry mamawhna a sang a, daily rate a thawk duh la tam tho mahse, theka a thawk a, contractor tenau ang mai a hnathawk hnamdang mistiry Mizoramah an tam niin a lang.

ZALEN in hemi chungchang ngaihven a cement mistiry (head mistiry ni a inchhal) thenkhat a biakte chuan, tun dinhmun-ah theka a hna an lakin, sq. feet ah Rs. 150 hisap in an thawk tlangpui tih an sawi a, hmun 3/4 ah a rual a theka changte pawh an nei thin niin an sawi.

"Mizoramah hna a tam em em a, kan ram lam aiin thil man to zawk mah se hlawhfa rate a tha a, theka a thawh tur pawh a tam. Chutihrual chuan hna tam vangin keini tan theka tur tam mahse hlawhfa (mistiry leh helper) chhawr turah buaina kan tawk zawk a, chutiang ni lo se Mizoramah thawh tur a tam lutuk..." an ti.

Kum 2/3 liam ta ah khan khaw thenkhat chuan, hnamdang mistiry theka a chhawr tawh loh tur tia YMA in hma an lak thu hriat tur a awm thin a, Central YMA huaihawtin cement mistiry training neih thin tun hma lamin neih a lo ni tawh thin bawk