Aizawl: Bible Society of India, Aizawl Auxiliary a\anga thudawn danin Bible House awmna hmun che avanga sorkar in Bible House sakna tur hmun a pek thar ram inhlan fel turin sorkar an nghak mek. Bible Society of India (BSI), Aizawl Auxiliary-a Senior Auxiliary Secretary, Upa Thangnghilhlova chuan ram inhlan fel a nih theih nan sorkar an nghak mek niin Zalen a hrilh. Senior Aux. Secretary chuan Land value assessment tih tawh a nih thu sawiin, “Harsatna engmah kan nei lo va, no objection te pawh tihfel vek a ni tawh a, tunah hian sorkar department hrang hrangah lehkha a kal kual a, kan nghak mek a ni,” a ti a. Heng zawng zawng a zawh hunah hian ram inhlan fel leh a nih tur thu a sawi bawk. Upa Thangnghilhlova chuan Mizoram Synod-in \ha takin an la mikhual reng tih a sawi a. Tunah hian Synod Conference Centre ah pindan \henkhat luahin hna an la thawh ve zel thu a sawi bawk. Upper Khatla-a Bible House Building awmna chet avangin kumtir lam khan Synod Conference Centre-ah hian an insawn a. Mumal takin hnathawktute pawhin pisa an kai chhunzawm a ni.