Health Minister Lal Thanzara chuan, "ram leh hnam tana thil tha ti tura din tlawmngai pawl kan nei hi hnamdang te aia Mizote vanneihna bik a ni," a ti. Nimin Electric veng MHIP in day an hmanna ah he thu hi sawiin Minister chuan MHIP ten an hmeichhiatpuite tan thahnemngai taka hma an la a, hmeichhe dinhmun chawikanna kawngah theihtawpa ke an pen leh hmeichhiate chunga hleihlenna a thlen pawha an thlavang hauh tura rang taka an pen chhuak thin chu thlamuanthlak a tih thu a sawi a. Sualna chi hrang hrang rukruk, tualthah, damdawi hmansual leh hmeichhiate chunga pawikhawihna rapthlak tak thleng thin te tihrem tumin nasa takin sorkar leh tlawmngai pawl ten tan an la tih a sawi a. "Heng pawikhawih chingte chanchin chhui chian hian chhungkaw kehchhia atanga chawrchhuak an ni duh hle a, chuvangin kan inchhungkhur venghim turin tan kan lak a ngai a ni," a ti. Inkhawm hi Electric veng MHIP President Kamliani’n a kaihruai a, MHIP Gen. Hqrs. thuchah chhiarchhuah a ni bawk.