Aizawl; Lallianzuala Sailo leh a nupui, Lalziki Sailo te hriatrengna lungphun pualin a fate chuan mi hrang hrang hnenah thilpek an hlan. Lallianzuala Sailo leh Lalziki Sailo fate hian an nu leh pa hriatreng nan hian Phunchawng Local Council hnenah Sports Complex tur ram an pe a, Baptist Church Serkawn ten naupang damlo dahna tur ward an siam nan Rs. nuai 1.5 bakah 7th Day Adventist, Zirtiri Residential Science College, Helen Lowry School, MUP Hualtu leh hnuchham enkawlna in hrang hrangah Rs. 50,000 an pe bawk. Lallianzuala Sailo hi Mizorama Seventh Day Adventist dintute zinga mi a ni a, a nupui Lalziki Sailo hi Zirtiri College dintu leh Principal hmasa ber a nih bakah Mizo hmeichhe zinga District Council Member ( nominated) hmasa ber (1952) a ni.