Aizawl: Mizoram Journalists’ Association, Lawngtlai District te chuan Zirtawpni kalta khan kum 2005 atanga kawngpui kam a thing an lo phun tawh leh a hnu lam a an phun chhunzawm zelte tifaiin, a hungna chhiate an siamtha a, hemi hnu hian Lawngtlai Press Club-ah Meeting an nei zui. MJA Lawngtlai district President ZD Dengngura chuan Journalist-te chu hunbi nei lo, engtiklai pawh a buai reng an nih vangin mi dang tana thil tha tihna hun pawh nei hlei thei lo an ni a, hetianga ramngaw humhalhnan a Lawngtlai District MJA ten hma a la thei chu thil lawmawm tak a ni tih a sawi. ZD Dengngura chuan NEDP hnuai ah chanchinbumi ten State dangte dinhmun an hriatchian theih nan sawrkarin Press Study Tour a ruahman chu lawmawm a tih thu a sawi bawk.