Mizo zinga cyclist hriat hlawh ber pawl, Lza Varte tia hriat lar, Vanlallawmzuala Varte chuan thirsakawr hmanga India ram pum fang chhuak turin Ningani hian Aizawl a chhuahsan dawn.

Mission Venga cheng, Lza zin chhuak hi ‘Ride To Clean Air’ tih thupuia hmangin Mizoram Pollution Control Board (MPCB) chuan ‘Clean & Green Sustainable Lifestyle Under Mission Life’ hnuaiah an sponsor daw a ni.

Ningani chawhma dar 10:30 hian Mineco, New Capital-ah MPCB kaihruaina hnuaiah vai liam a ni ang a. Tripura khawpui, Agartala a pan ang a, heta tang hian India ram state khawpui hrang hrang a fang zui dawn a, km 16,396 zet fangin a tluan chuan thla ruk velah a fan chhuah theih beisei a ni.

Lza hian nikum May thla khan Lailapur, Assam atangin Mizoram chhim tawp, Khaikhy thleng ke ngatin a lo kal chhuak tawh a, km 623 hi ni 18 leh darkar 13 chhungin a thleng hman a ni.

YMA Mission Veng Branch chuan an member hi Rs. 20,000 an pai a, local council-in Rs. 3,000 an pai bawk.