Thisen pe hnem ber Remruatan thisen pe chhunzawm zel
Tualchhung
Oct 15, 2025

ZALEN Oct. 15, 2025 : Mizorama Thisen pe hnem ber ni mek Tv. C. Lalremruata chuan vawiin October ni 15 (Nilaini) hian a vawi 97-na atan Civil Hospital, Aizawl-ah a mamawh tute tan thisen a pe.


Tv. C Lalremruata, Electric Veng, Aizawl hian kum 1998 atangin thisen a pe tan a, tun thlengin a chhunzawm chho ta zel a ni.


Tv. C Lalremruata chuan a thil tih chu Pathian vang chauh a tithei a ni tih ZALEN a lo hrilh tawh a, "Ka hriselna Pathianin min ven sak ang a, ka tum dan chuan century pek tlin ngei ka tum," tiin a lo sawi tawh bawk.

#ZalenNews

Latest News & Chhiar Hlawh