DOWNLOAD OUR APP

Read latest news on your phone
app-store
Thisen sawngbawlna man lak tihtawp leh a tak ram
Mar 02, 2015
Tunhnai mai khan Kolasib damdawi Inah nu pakhat chu nau chungah a boral a, a pasal chuan thisen sawngbawlna man a kawl mai lo a, a hun taka thisen pek a nih loh avangin a nupui chu a thih phah niin a sawi a. Health Minister chuan chhiatna thlen dan haichhuaka diklo a awm a nih chuan hmalak a nih tur thu a sawi tawh a ni. Hospital a thawktute chuan thil dang vang zawka boral niin an ziaklut a, mah se hei hi diklo nia ngaiin a pasal chuan FIR a thehlut a, police te’n an bawhzui lai mekin a nupui ruang phawrh a en dik leh a dil hial a ni. Mihring nunna khawih thil thleng a ni a, mipui a nghawng dan a na a, lusun chhungte pawh an lainatawm hle. Eptu pawlte’n hemi hi remchangah lain Sawrkar an bei nasa hle a, thisen sawngbawlna man lak chu MNF party chuan titawp turin sawrkar a kar mek a. Hetih lai hian Eptu party hruaitu pakhat chuan Sawrkarna an chan chuan thisen sawngbawlna man lak tihtawp a nih tur thu a tlangau pui bawk a ni. A thlawna dawn \hin thisen sawngbawlna chu kum laklawhah NACO chuan a ti tawp a, a leia lei a ngai ta a. Mizoram sawrkar chuan thisen mamawhtu tan 75% vel chawi sakin a mamawhtu in 25% vel an tum a ngaih tur thute, BPL leh RSBY huam chhunga awm te tan erawh sum chawi a ngaih loh thu media hmangin a puang tawh a ni. Kohhran damdawi In ah erawh thisen sawngbawl man hi a tir a\angin 100% a mamawhtuin a chawi \hin a ni. Kan rama politics kan khelh dan en hian \awngkam dengkhawng tak taka inbeih a hluar hle a, party worker leh politician te pawhin a nih dan tur ve rengah an ngai niin a lang hial a; hemi ah hian tu party mah bang an awm lo. Hetiang inpuhna hi thutak leh dawt hriat hran hleih theih lohin a zuzi duh phian a, mipui lamin a rik hluai lai chauh an hria a, a dik leh dik loh chhut zui chu tlemte chauh an a ni a. Inpuh tawnna tam tak hi chu court a put luh hial tham nia a lan laiin, dan anga hmalak ai chuan hun remchanga kaihthawh atan an dah \ha ni hialin a hriat rum rum \hin. |awngkam uchuak leh dawt belh ching te hian ram hruai tum lo se la, inthiar fihlim mai se, mipui pawhin hnawl rap rap ngam sela a \ha khawp ang. Eptu party in sawrkar a dem mek laiin mipui thlemna atana ‘a thlawna in pek’ a ri hian nghawng \ha lo a nei thei a; mipuiin intodelh zirtir an mamawh laia ‘thirfiante a inbarh policy’ a rik chhung chu mahni kea din tumna mipuiin an nei ngai lo ang. Hmasang a\anga intodelh \hin hnamin kutdawh rilru a pu ta mai hi a ngaimawhawm hle a, chhuan tharte’n hnam ziaah an pawm a hlauhawm e. Sawrkarin a thlawna pek nghak mawl tawp an tam ta lutuk hi zan khat thil thua piang thut a ni thei lo a, hetiang rilru piangsual hi engtik laia awm nge? tiin inzawt ta ila. ‘Tlin duh luat vanga engpawh sawi hrehlote a\anga lo chhuak’ tiin mi tam zawk chuan an chhan a rinawm. Sawrkar \ha nei tur chuan mipuiin sum an thawh ve a ngai a, a nih loh chuan a rei hnuah sum a harsa a, tu ram mahin an pumpelh thei bik lo. Chutiang chiah chuan kan ramah pawh mipui chanvo tlem lutuk leh a thlawna pek intiam a hluar a, mi tam tak rilru a ti piangsual a, an phak tawk hnathawh zahah an la a, sakuh thei rah tla nghah tawp an duh ta zawk a ni. Kan ram hruaitu te berin vawiin thlenga a thlawnna pek hmatheha mipui an thlem ri hriat tur awm cheu hi chu ram vei dik tak te rilru tinatu chauh ni loin ram \hanna daltu leh ram hmelma a ni tih politician te hian hria sela. Chhungkuaa thawkchhuaktu berin dam chhunga mahni fate chawm tumin chu mi chu hrilh fo sela, atthlak kan ti viau ang a. A thlawnna thil pek hmanga mipui thlem ching te hi hnawl hmiah hmiah a hun tawh a; khawia pawisa mahin a daih zozai thei lo a, thil kalphung a ni lo hrim hrim a ni tih hi hriat nawn fo a \ha ang. Chhungkaw pa chuan a fate tan insengso \hin mahse mahnia intodelh turin a fuih \hin a, inchawm zo lo nih a zahthlak zia a hrilh fo \hin tur a ni. Harsatna an tawk a nih pawhin an dinhmun dik tak a hrilh anga; inham chhuak turin theih tawp a chhuah ang a, chutih rualin a fate chu beidawng loa ding chhuak turin a fuih \hin tur ni bawk. Ram inrelbawlna pawh hemi zul tho a ni. Kan ram awmna a kilkhawr a, khawvel kalphung leh ram dang inrelbawlna kan hre tlem hle a; sawrkarin engkim a thlawnna tihsaka kan innghah chhung chuan hmalam aiin hnunglam kan pan tihna a ni.
Euro 2024 final opinion poll
Euro 2024-ah hian tunge champion I rin?
Spain
England

Latest News & Chhiar Hlawh