Aizawl; Social Welfare Minister PC Lalthanliana chuan thisen mamawhtute tan lei ngai ta anga sawi awm chu a sawngbawl man state dangte tih angin a mamawhtute hnenah sawrkar harsatna chhawk zangkhai nan an la ve mai tih a sawi. Tunhnaia a bial chhung khaw hrang hrang a tlawh naah Minister chuan sawrkarin buhfai, tui, electric bill leh leiman a tihsan chhan a hrilhfiah a. VC thlan lo awm turah khawtlang hmasawnna tura hma la theitu tur leh bialtu Minister mai bakah Minister dangte dawhkan ngampa taka kilpui ngam tur thlang thiam turin a fuih a. Hna thawh chak zawk theih nan a sahna tur Ding Chem ngei hmang thiam thlang turin a chah bawk. Zote South leh Pangzawl khelmual laihmek a tlawh bawk. Minister hi a bial fang tur hian February ni 5 khan a chhuak a, nimin khan Aizawl a lo let leh a ni. A bial fanna ah hian MPCC Media cell leh party hruaitu dangten an tawiawm a ni.