DOWNLOAD OUR APP

Read latest news on your phone
app-store
Thla 8 chhunga 7 na lalut
Apr 04, 2015
Aizawl: Nimin tlai dar 4 khan Mizoram Larsap thar atan Keshari Nath Tripathi chu Gauhati High Court Judge, Michael Zothankhuma'n rinawmna thu tiam tirin a la lut. Larsap thar lo thlen lai hian Mizo Zirlai pawl (MZP) chuan sawrkar laipuiin Mizoram Governor a thlak ngun lutuk duhloh lantirna, Raj Bhavan gate tualah an nei. Zalen zawhna chhangin MZP President Lalhmachhuana chuan, "Mizoram hi India ram state pakhat a ni a, Governor term hi kum 5 turtih a ni bawk a. Central ah sawrkar a inthlak chuan Governor 2/1 chu an siksawi thin a, mahse thla 8 leh ni 19 chhung leka Governor 7 kan nei hman hi Mizoram leh mipuite hmuhsina leh ngaih pawimawhlohna niin kan hria a, chuvangin lungawilohna kan lantir ta a ni," a ti. MZP President chuan, "Central in a mi duhloh vawmkhawm nana min hmang dawn anih chuan Mizoram Governor bik atan India dan pui siamtha in Governor tello a Mizoram sorkar a kal theih dan tur siam mai se tih chu MZP duh dan a ni" a ti bawk. Nimina lungawilohna lantirna hun ah hian kalkhawmte chuan ‘Zofate hian Governor nghet neih hi kan phu a ni’, ‘Thla 8 chhung leka governor 7 kan nei hi a na kan ti’, ‘Central sawrkarin Governor min pek dan hi kan duh lo’ tih hmang te in an au rual a ni. MZP chuan Governor ruat dana an lungawilohna kal zelah naktip Thawhlehni (April 7) hian Aizawl khawpui chhunga Central sawrkar pisa kai tur dan bakah an pisa ah puan dum zar a tum bawk a. India President Pranab Mukherjee, Mizoram University convocation hmanpui tura a lo kal hunah lungawilohna lo lantir tum a, President hnenah hian Memorandum thehluh an tum bawk a ni.
MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh