Aizawl: Mizoram Police te chuan thla 9 kalta chhung (January 2016 - September 2016) khan pawngsual thubuai 21 an ziaklut a, hemi hun chhung vek hian tualthah thubuai 16 an ziaklut bawk. Police ten pawngsual thubuai an ziahluh hi January-ah 3, February ah 2, March-ah 3, April-ah 2, May-ah 3, June-ah 3, July-ah 2, August-ah 1 leh September-ah 2 te an ni. Hemi hun chhung veka Mizoram Police ten tualthah thubuai an ziahluh chu January-ah 2, February-ah 1, March-ah 2, April-ah 1, May ah nil, June-ah 4, July-ah 2, August-ah 1 leh September ah 3 te an ni. Mizoram police chuan January atanga September thla inkar khan thubuai 2196 an ziaklut a, heng zinga 1891 chu IPC hnuaiah a ni a, a dang 305 chu Non IPC hnuaiah a ni bawk a ni. IPC hnuaiah rukruk thubuai ziahluh a tam a, non IPC hnuaiah POCSO Act hnuaia thu-buai ziah luh a tam ber.