ZALEN Oct 17, 2025 : Tun dinhmuna Mizorama lirthei chhinchhiah chin awm zat chu 3,47,075 a tling tawh.

Transport department chhinchhiah danin, September 2025 thlenga Mizorama lirthei awm zat chu 34,707 a tling tawh a, thla khat chhunga a punna lirthei 2,499 a tling.

Lirthei hrang hrang zinga 2,40,926 chu motor cycle/scooter niin, car 57,423, goods carrier 24,301, motor cab 5,845, motor cycle/scooter-used for hire 4,115 an awm a. Hengte hi lirthei tam zualte an ni.

Hetihlai hian Mizoram a lirthei awm zawng zawng za a 70 vel chu Aizawl a awm a ni a, data atanga alan danin, Mizoramah lirthei a pung chak hle a, a bikin Aizawla a punna a sang niin a lang.