Aizawl October 12, 2022 : Mizoram sawrkara Taxation department chuan kumin Apri - September (thla ruk) chhungin chhiah chi hrang hrang Rs. 4,82,63,10,759 an hmu tling tawh a, chu chu 2022-23-a chhiah hmuh beisei zat (target) Rs. 7,30,03,51,000 atangin zaa 66.11 a tling. 

Taxation department tar lan danin chhiah chi li - GST, profession tax, sales tax leh entertainment tax lak thin a ni a, kumin thla ruk chhungin GST-ah Rs. 4,18,59,76,565, profession tax-ah Rs. 8,61,26,475, sales tax-ah Rs. 55,39,53,833, entertainment tax Rs. 92,876 leh chhiah dang atangin Rs. 1,61,010 an hmu tawh.

Kum kal mek, April-ah Rs. 90,46,82,225 chhiah hmuin May-ah Rs. 93,46,38,881, June-ah Rs. 80,00,86,741, July-ah Rs. 64,35,80,409, August-ah Rs. 88,02,93,767 leh September-ah Rs. 66,30,28,736 hmuh a ni.

Kum tin sawrkarin tax revenue lakkhawm zat tur a bituk thin a, kum 2021-22 chhung khan chhiah khawn tur a bituk zat chu Rs. vbc. 717.13 a ni a, an target chu Rs. vbc. 177.71 a khumin an chhiah khawn zawng zawng tling khawm Rs. vbc. 894.74 a ni.

Taxation department 2022-23 (in Rs.)
Head                           Target                 Progress
GST                             5,98,00,00,000    4,18,59,76,565
Profession tax            17,00,00,000        8,61,26,475
Sales tax etc.              1,15,02,00,000     55,39,53,833
Entertainment tax      1,51,000              92,876
Others                       1,61,010
TOTAL                       7,30,03,51,000  4,82,63,10,759