ZALEN, Aug. 25, 2026: Mizorama coaching centre-ten kumin tangka kum kal meka quarter (thla thum) hmasa ber chhungin Goods & Services Tax (GST) Rs. nuai 14 chuang an pe.

Enforcement Wing, Taxation Department-in ZALEN an hrilh danin coaching centre-te hian kumin tangka kum atangin GST registration nei tanin chhiah pawh an chawi tan a, thahnem tak an chhung lut nghal tih an sawi.

GST pe tha zingah MS Academy, Chase Academy, Zo Career Solution, Aspire Academy leh Inception Learning Academy te pawh an tel.

Tun dinhmunah GST pe thei tura ngaih hi coaching centre 15 vel an awm a, 10 velin an pe a, an lak luh mila chhiah pe lo leh la nei lote lakah hma lak chhunzawm zel tum a nih thu taxation enforcement wing chuan an sawi bawk.