Aizawl August 3, 2023 : Mizoram RMSA Employees Welfare Association (MIREWA) te chuan Samagra hnuaia thawk mi 5000 chuangte chuan thla thum (May, June & July) hlawh kan lak tawh loh avangin an mang a ang tak zet tawh thu an sawi..

MIREWA te chuan, "Samagra hnuaia thawkte hian a hun takah hlawh kan la ngai lo hle mai a. Thla hnih te, thla thum te hlawh la lovin kan awm fo thin. Nupui fanau / pasal fanau hrawk chawm kan ni hlawm a, chhungkaw khawsak phung hrim hrim bakah kan fate zirna senso thlengin kan hlawh la har lutuk hian nasa takin min nghawng a, manganthlak kan ti hle a ni," an ti.

"Samagra hnuaia thawkte zingah hian hmun pui lama thawkte awm bawk mah se, a tam zawk hi mahni in lum chhuahsana hmun kilkhawr tak taka thawkte kan ni a, hetianga kan thawh hlawh ngei pawh rei tak tak kan la thei lo thin hian khawsak a tibuaiin chet lak a tiharsa tak zet tawh a ni," an ti bawk.

MIREWA te chuan, "Kan sorkar chak tak hian a hna thawk, Samagra hnuaia thawkte hlawh lak loh hi a rang thei ang bera min ngaihtuahsaka min pek thuai kan beiseiin kan phut tlat a ni," an ti.