Thlai man bithliah zir chian a ngai tak zet

Admin - Jun 06, 2021

Loneitu leh mipui hnena hralhtu te inkara tlazep an awm dan pawh hi zirchian a tul | hengho te hi thlai man chungchangah pawh mawhphurtu ber niin an lang

Lockdown laia chawhmeh to lutuk tur khuahkhirh tuma sawrkarin hma a lak mekah veng hrang hranga chawhhmeh zuar ten thuchhuah siam a nih hnua an inzawrh hmasak berah thupek  an zawm that viaua a lan laiin inzawrh ni atana an ruat ni hnuhnungberah kha chuan zawm a hlawh vak lo niin a ngaih theih.

Veng hrang hrang inzawrhnaah chawhmeh man bithliah hian zawm a hlawh tluantling lo hle a, khawpui chhung china chawhmeh rate lothunun tum ngawt hi sawt lo niin a lang. Price control ti tak tak tur hi chuan loneitu atanga Aizawl khawchhunga mipui te lei theiha zuartu te thleng hian chiang leh zuala zirchianna neih a ngai niin a lang..

Lo neitu hnen atanga Aizawl rawn thlentu piah lamah Aizawla semchhuak leh tu te an awm leh  chhawng te an awm thin niin thlai zuartu lam chuan an sawi a, hetianga inkhaidiat a thui viau hi chuan chawhmeh hi tlawm thei a ni lo hrim hrim niin a lang.

Chawhmeh zuar te chawhmeh zawrh hi sawrkar lam chuan Kg hisap in a tuk sak a, a man chhiar dan chu sawi loh, hei pawh hian zawm a hlawh lem lo niin a lang. Phai thlai ho pawh sawrkarin rate a tuk anga hralh a ni meuh lo, bituk china an hralh ho pawh lei chakawm lo tak tak a ni hlawm.

Tuna kan dinhmun ngaihtuah hian sorkarin rate bithliah a tum dan hi a ler atanga thuai ang deuh hian a ngaih thei a, tuna he rate hman tura an tih hi June thla thleng hman tura tih a ni. Hmanhmawh deuh chuk chuka tih anih avangin a fuh tawk lo deuh pawh niin a lang. A hunbi a zira hman tur rate felfai leh zawm theih tur hi duan a hun ta hle. Loneitu leh mipui hnena hralhtu te inkara tlazep an awm dan pawh hi zirchian a tul a, hengho te hi thlai man chungchangah pawh mawhphurtu ber niin an lang. 

Share now